در محبوب سے ہٹ کر گزارہ ہو نہیں سکتا
یہ وہ در ہے کہ اس در سے کنارا ہو نہیں سکتا
dar mehboob se hat kar guzarah ho nahi sakta
ye wo dar hai ke is dar se kinara ho nahi sakta
رہے گردش میں قسمت کا ستارہ ہو نہیں سکتا
نبی کا نام لیوا غم کا مارا ہو نہیں سکتا
rahe gardish mein qismat ka sitara ho nahi sakta
nabi ka naam lewa gham ka mara ho nahi sakta
نہیں ہے پیار جس کے دل میں کملی والے آقا کا
قسم رب کی کبھی رب کا وہ پیارا ہو نہیں سکتا
nahi hai pyar jis ke dil mein kamli wale aqa ka
kasam Rab ki kabhi Rab ka wo pyara ho nahi sakta
نظارا میری آنکھوں نے کیا ہے سبز گنبد کا
اب اس سے بڑھ کے کوئی بھی نظارا ہو نہیں سکتا
nazara meri ankhon ne kiya hai sabz gunbad ka
ab is se barh ke koi bhi nazara ho nahi sakta
نبی کے آستاں کو چھوڑ دوں کیسے ممکن ہے
میں مر جاؤں گا لیکن یہ گوارا ہو نہیں سکتا
nabi ke aastan ko chor don kaise mumkin hai
mein mar jaon ga lekin ye gawara ho nahi sakta
زباں محو درود پاک رکھو ہر گھڑی اپنی
یہ ایسا کام ہے جس میں خسارا ہو نہیں سکتا
zuban mehv darood pak rakho har ghari apni
ye aisa kaam hai jis mein khasara ho nahi sakta
تمنا ہے کہ پھر دیکھوں میں جلوے سبز گنبد کے
کرم کیا مجھ پہ یہ آقا دوبارہ ہو نہیں سکتا
tamanna hai ke phir dekhoon mein jalwe sabz gunbad ke
karam kya mujh pe ye aqa dobarah ho nahi sakta
نہیں ہے جس کی آنکھوں میں بصیرت نور ایماں کی
اُسے آقا کے جلووں کا نظارا ہو نہیں سکتا
nahi hai jis ki ankhon mein baseerat noor e emaan ki
use aqa ke jalwon ka nazara ho nahi sakta
وہ دنیا کے حوادث ہوں یا میدان قیامت ہو
بغیر مصطفیٰ کوئی سہارا ہو نہیں سکتا
wo duniya ke hawadis hon ya maidan e qiyamat ho
baghair Mustafa koi sahara ho nahi sakta
تقاضہ ہے نیازی یہ میرا ایمان کامل ہے
جسے نسبت نہیں ان سے ہمارا ہو نہیں سکتا
taqaza hai Niazi ye mera emaan kamil hai
jise nisbat nahi un se hamara ho nahi sakta
Share This Naat
Share with friends and family
در محبوب سے ہٹ کر گزارہ ہو نہیں سکتا
عبدالستار نیازی