جتھے جتھے وی اُہدا نقش قدم ہندا اے
اوتھے اوتھے ای غلاماں دا حرم ہندا اے
Jithay jithay vi uhda naqsh qadam honda ae
Othay othay e ghulaman da haram honda ae
نور ہر چیز چ مخفی اے میرے آقا دا
نام ہر شے تے محمد دا رقم ہندا اے
Noor har cheez ch makhfi ae mere aaqa da
Naam har she te Muhammad da raqam honda ae
ساہمنے جا کے وی ہنجواں تے ناں قابو رکھیا
کملیا ! ایہو محبت دا بھرم ہندا اے
Saahmne ja ke vi hanjuan te naan qaabu rakhiya
Kamliya! Eiho mohabbat da bharam honda ae
پَیر سرکار نے جد رکھیا سی بُت خانے وچ
ڈگ کے قدماں تے فدا دیکھو صنم ہندا اے
Pair sarkar ne jad rakhiya si but khanay vich
Dagg ke qadman te fida dekho sanam honda ae
دل اوہ بن جاندے گذرگاه رسول رحمت
جیہناں وچ سید شبیر دا غم ہندا اے
Dil oh ban janday guzargaah Rasool-e-Rehmat
Jehinan vich Syed Shabbir da gham honda ae
اوہو جاندا اے مدینے دی فضا دے اندر
جس تے سرکار مدینہ دا کرم ہندا اے
Ohu jaanda ae Madinay di faiza de andar
Jis te Sarkar-e-Madina da karam honda ae
خود جو سلطان رسولاں دا اے ہُندا صائم
اوہدی امت دا ای ناں خَیرِ اُمم ہُندا اے
Khud jo Sultan-e-Rusoolan da ae hunda Sa'im
Ohdi ummat da e naan Khair-e-Ummam hunda ae
Share This Naat
Share with friends and family
جتھے جتھے وی اُہدا نقش قدم ہندا اے
علامہ صائم چشتی