بھُلایا ہے تجھے تو ہر گھڑی آزار لگتی ہے
ہماری سانس بھی آقاؐ! ہمیں تلوار لگتی ہے
BhUlaya hai tujhe to har ghadi aazaar lagti hai
Hamari saans bhi Aqa! hamein talwar lagti hai
تِری دہلیز سے چھوٹا ہے جب سے سلسلہ اپنا
ہماری زندگی اِک وادیِ پُر خار لگتی ہے
Teri dehleez se chhota hai jab se silsila apna
Hamari zindagi ik waadi-e-pur khar lagti hai
ہمارے قلب و جاں کے سارے شیشے ریزہ ریزہ ہیں
شکستہ در شکستہ روح کی دیوار لگتی ہے
Hamare qalb o jaan ke sare sheeshe reza reza hain
Shikasta dar shikasta rooh ki deewar lagti hai
ہمارے عہد کی ظلمت نے ہم سے چھین لی منزل
ہماری صبحِ صادق بھی پسِ دیوار لگتی ہے
Hamare ehad ki zulmat ne hum se cheen li manzil
Hamari subh-e-sadiq bhi pas-e-dewaar lagti hai
ہمیں اپنے کرم کے بے خزاں موسم عطا کردے
یہ دنیا اب ہمارے درپئے آزار لگتی ہے
Hamein apne karam ke be khizan mausam ata karde
Ye duniya ab hamare darpe aazaar lagti hai
تِرے ہی ذکر سے ہر سو اُجالے پھیل جاتے ہیَں
تِری ہی یاد ہے جو روشنی آثار لگتی ہے
Tere hi zikr se har su ujale phail jaate hain
Teri hi yaad hai jo roshni aasaar lagti hai
مِرے آقاؐ! ہمیں بس رحمتوں کی چھائوں پہنا دے
غموں کی دھوپ سر پر اب جہنم زار لگتی ہے
Mere Aqa! hamein bas rehmaton ki chhaon pehna de
Ghamon ki dhoop sar par ab jahannum zaar lagti hai
Share This Naat
Share with friends and family
بھُلایا ہے تجھے تو ہر گھڑی آزار لگتی ہے
اسلم فیضی