ہو مبارَک اہلِ ایماں عیدِمیلادُالنَّبی
ہو گئی قسمت دَرَخشاں عیدِمیلادُالنَّبی
Ho mubarak ahl-e-imaan Eid-e-Milad-un-Nabi
Ho gayi qismat darakhshaan Eid-e-Milad-un-Nabi
خوب خوش ہیں حُور و غِلْماں عیدِمیلادُالنَّبی
ہر مَلک مسرور و شاداں عیدِمیلادُالنَّبی
Khoob khush hain hoor o ghilmaan Eid-e-Milad-un-Nabi
Har malak masroor o shaadaan Eid-e-Milad-un-Nabi
چار سُو ہیں کیا چھماچھم رحمتوں کی بارشیں
جھومتے ہیں ابرِباراں عیدِمیلادُالنَّبی
Chaar soo hain kya chamacham rehmaton ki baarishen
Jhoomte hain abr e baran Eid-e-Milad-un-Nabi
نور کی پُھوہار برسی چار سُو ہے روشنی
ہو گیا گھر گھر چَراغاں عیدِمیلادُالنَّبی
Noor ki phuhaar barasi chaar soo hai roshni
Ho gaya ghar ghar charaghaan Eid-e-Milad-un-Nabi
چار جانِب دُھوم ہے سرکار کے مِیلاد کی
جھومتا ہے ہر مسلماں عیدِمیلادُالنَّبی
Chaar jaanib dhoom hai Sarkar ke Milaad ki
Jhoomta hai har Musalmaan Eid-e-Milad-un-Nabi
عرش پر چاروں طرف صلِّ علیٰ کی دھوم ہے
آگئے ہیں نُورِ یَزداں عیدِمیلادُالنَّبی
Arsh par chaaron taraf Salli Ala ki dhoom hai
Aagaye hain Noor-e-Yazdaan Eid-e-Milad-un-Nabi
غنچے چٹکے، پھول مہکے ہر طرف آئی بہار
ہو گئی صبحِ بہاراں عیدِمیلادُالنَّبی
Ghunche chatke, phool mehke har taraf aayi bahaar
Ho gayi subh-e-baharaan Eid-e-Milad-un-Nabi
جانتے ہو کیوں ہے روشن آسماں پر کہکشاں
ہے کیا حق نے چَراغاں عیدِمیلادُالنَّبی
Jaante ho kyun hai roshan aasmaan par kahkashaan
Hai kya Haq ne charaghaan Eid-e-Milad-un-Nabi
ہم نہ کیوں روشن کریں گھر گھر دِیے مِیلاد کے
خود کرے جب حق چَراغاں عیدِمیلادُالنَّبی
Ham na kyun roshan karein ghar ghar diye Milaad ke
Khud kare jab Haq charaghaan Eid-e-Milad-un-Nabi
عیدِمیلادُالنَّبی تو عید کی بھی عید ہے
بِالیقیں ہے عیدِ عِیداں عیدِمیلادُالنَّبی
Eid-e-Milad-un-Nabi to Eid ki bhi Eid hai
Bil-yaqeen hai Eid-e-Eidaan Eid-e-Milad-un-Nabi
عیدِمیلادُالنَّبی پر جو بھی کرتا ہے خوشی
اس پہ غُرّاتا ہے شیطاں عیدِمیلادُالنَّبی
Eid-e-Milad-un-Nabi par jo bhi karta hai khushi
Us pe ghurata hai shaitaan Eid-e-Milad-un-Nabi
آمِنہ کے گھر محمد کی وِلادت ہوگئی
خوب جھومو اہلِ ایماں عیدِمیلادُالنَّبی
Amina ke ghar Muhammad ki wiladat hogayi
Khoob jhoomo ahl-e-imaan Eid-e-Milad-un-Nabi
آؤ دیوانو! چلو سب آمِنہ کے گھر چلیں
نور سے بھر لائیں داماں عیدِمیلادُالنَّبی
Aao deewano! Chalo sab Amina ke ghar chalein
Noor se bhar laayein daamaan Eid-e-Milad-un-Nabi
خوب جھومو اے گنہگارو! تمہاری عید ہے
ہو گیا بخشِش کا ساماں عیدِمیلادُالنَّبی
Khoob jhoomo ae gunahgaro! Tumhari Eid hai
Ho gaya bakhshish ka saamaan Eid-e-Milad-un-Nabi
غم کے مارو! بے سہارو! بس تمہاری عید ہے
ہو گیا راحت کا ساماں عیدِمیلادُالنَّبی
Gham ke maaro! Be saharo! Bas tumhari Eid hai
Ho gaya rahat ka saamaan Eid-e-Milad-un-Nabi
بیقرارو! دلفِگارو! بس تمہاری عید ہے
کیوں ہو حیران و پریشاں عیدِمیلادُالنَّبی
Beqararo! Dilfigaaro! Bas tumhari Eid hai
Kyun ho hairaan o pareshan Eid-e-Milad-un-Nabi
غم نصیبو! اب غموں کا دُور اندھیرا ہوگیا
تم مناؤ خوب خوشیاں عیدِمیلادُالنَّبی
Gham naseebo! Ab ghamon ka door andhera hogaya
Tum manao khoob khushiyan Eid-e-Milad-un-Nabi
کِھل اُٹھے مُرجھائے دل اور جان میں جان آگئی
آگئے ہیں جانِ جاناں عیدِمیلادُالنَّبی
Khil uthe murjhaye dil aur jaan mein jaan aagayi
Aagaye hain jaan-e-jaanaan Eid-e-Milad-un-Nabi
بے کسوں کے دن پھرے اور غم کے مارے ہنس پڑے
ہو گیا خوشیوں کا ساماں عیدِمیلادُالنَّبی
Be keson ke din phire aur gham ke maare hans parey
Ho gaya khushiyon ka saamaan Eid-e-Milad-un-Nabi
اِنْ شَآءَ اللہ آج ’’عیدی‘‘ میں ملے گی مغفِرت
ہے جبھی شیطاں پریشاں عیدِمیلادُالنَّبی
Insha Allah aaj "Eidi" mein milegi maghfirat
Hai jabhi shaitaan pareshan Eid-e-Milad-un-Nabi
یانبی! اپنی وِلادت کی خوشی میں اپنا غم
دیجئے طیبہ کے سلطاں عیدِمیلادُالنَّبی
Ya Nabi! Apni wiladat ki khushi mein apna gham
Dijiye Tayba ke Sultan Eid-e-Milad-un-Nabi
عیدِ میلادُالنَّبی کا واسِطہ عطّارؔ کو
بخش دے اے ربِّ رَحماں عیدِمیلادُالنَّبی
Eid-e-Milad-un-Nabi ka waasta Attar ko
Bakhsh de ae Rab-e-Rahman Eid-e-Milad-un-Nabi
Share This Naat
Share with friends and family
ہو مبارَک اہلِ ایماں عیدِمیلادُالنَّبی
الیاس عطار قادری