مُصؐطفےٰ کہیے مُجتبےٰؐ کہیے
مظہرِ نُورِ کبریا کہیے
MuSTafa ﷺ kahiye Mujtaba ﷺ kahiye
Mazhar-e-Nur-e-Kibriya kahiye
بادشاہ کہیے ‘ پیشوا کہیے
رہنما کہیے ، مُقتدا کہیے
Badshah kahiye, Peshwa kahiye
Rehnuma kahiye, Muqtada kahiye
مُبتدا کہیے مُنتہا کہیے
وجہِ تخلیقِ دوسَرا کہیے
Mubtada kahiye Munta ha kahiye
Wajh-e-Takhleeq-e-Dosara kahiye
دونوں عَالم کا مدّعا کہیے
بے سہاروں کا آسرا کہیے
Dono Alam ka Madd’a kahiye
Be-Saharo ka Aasra kahiye
پیکرِ حُسنِ جاں فزا کہیے
با حیا کہیے با وفا کہیے
Paikar-e-Husn-e-Jaan Fiza kahiye
Ba Haya kahiye, Ba Wafa kahiye
گُلِ گُلزارِ آمنہ کہیے
باغِ توحید کی فضا کہیے
Gul-e-Gulzar-e-Aamena kahiye
Bagh-e-Tauheed ki Faza kahiye
مخزن الخُلقِ وَالسّخا کہیے
معدنُ الجُودِ والعطَا کہیے
Makhzan-ul-Khuluq wal-Sakha kahiye
Ma’dan-ul-Jud wal-’Ata kahiye
جَلوۂ رُوئے اَینما کہیے
طلعتِ مشعلِ ھُدیٰ کہیے
Jalwa-e-Ruye Aenima kahiye
Tal’at-e-Mash’al-e-Huda kahiye
نازش و فخر انبیا کہیے
ظلِّ ذی المجد والعُلا کہیے
Nazish o Fakhr Anbiya kahiye
Zill-e-Zi-ul-Majd wal-Ula kahiye
عقل کہتی ہے مِثْلُنا کہیے
عِشق بے تاب ہے خدا کہیے
Aqal kahti hai Mis'luna kahiye
Ishq be-tab hai Khuda kahiye
نہ خُدا کہیے نہ جُدا کہیے
عبدہٗ کہیے حق نُما کہیے
Na Khuda kahiye na Juda kahiye
Abduhu kahiye Haq Numa kahiye
جس کو اعظؔم حضُور آپ سُنیں
ایسی مِدحت کو مَرحبا کہیے
Jis ko A’azm Huzoor aap sunen
Aisi Madhat ko Marhaba kahiye
Share This Naat
Share with friends and family
مُصؐطفےٰ کہیے مُجتبےٰؐ کہیے
محمد اعظم چشتی