سارے عالم میں انوار کی روشنی
چار سُو ان کے افکار کی روشنی
saare aalam mein anwaar ki roshni
chaar su un ke afkaar ki roshni
تیرگی میرے من میں ہو کیسے بھلا
میرے اندر ہے سرکارؐ کی روشنی
tergi mere man mein ho kaise bhala
mere andar hai sarkar ki roshni
پھر زمانے میں جھکتے نہیں ان کے سر
جن کے ہاتھوں میں تلوار کی روشنی
phir zamane mein jhuktay nahin un ke sar
jin ke haathon mein talwaar ki roshni
ان کے گھر میں رہے گا اندھیرا سدا
جن کو مطلوب اغیار کی روشنی
un ke ghar mein rahega andhera sada
jin ko matloob aghyaar ki roshni
فصل بوتے ہیں جو حُسنِ اعمال کی
ان کو ملتی ہے اثمار کی روشنی
fasl bote hain jo husn-e aamaal ki
un ko milti hai asmaar ki roshni
قافلے وہ ہی منزل تلک جا سکے
جن کو حاصل تھی سالار کی روشنی
qaaflay wo hi manzil talak ja sakay
jin ko hasil thi salaar ki roshni
جس نے ارض و سما کو منّور کیا
منبعِ نُور تھی غار کی روشنی
jis ne arz o sama ko manawar kiya
manba-e noor thi ghaar ki roshni
ٹھیرے ان کے صحابہ نجومِ فلک
مثلِ سورج ہے سردار کی روشنی
thehray un ke sahaba najoom-e falak
masle sooraj hai sardaar ki roshni
وہ نہ ہوتے تو کچھ بھی نہ ہوتا کہیں
ان کے صدقے ہے سنسار کی روشنی
wo na hotay to kuch bhi na hota kahin
un ke sadqay hai sansaar ki roshni
جب سے چوما ہے عُشّاق نے دار کو
بس امر ہوگئی دار کی روشنی
jab se chuma hai ush-shaaq ne daar ko
bas amar ho gayi daar ki roshni
ہیں جلیل اس جہاں میں وہی سرخرو
جن کے دامن میں کردار کی روشنی
hain jaleel is jahaan mein wahi sarfaru
jin ke daaman mein kirdaar ki roshni
Share This Naat
Share with friends and family
سارے عالم میں انوار کی روشنی
حافظ عبدالجلیل