جو مجھے چاہیے سب کا سب چاہیے
آپؐ سے چاہیے بے کسب چاہیے
Jo mujhe chahiye sab ka sab chahiye
Aapؐ se chahiye be kasb chahiye
میرے آقاؐ کو ہر بات کی ہے خبر
مجھ کو کیا چاہیے اور کب چاہیے
Mere aqaؐ ko har baat ki hai khabar
Mujh ko kya chahiye aur kab chahiye
آپؐ سے مانگتا ہے گدا آپؐ کا
اس کو جو چاہیے اور جب چاہیے
Aapؐ se mangta hai gada aapؐ ka
Us ko jo chahiye aur jab chahiye
مانگنے کا سلیقہ نہیں ہے مجھے
مجھ کو سرکارؐ سے بے طلب چاہیے
Maangne ka saleeqa nahi hai mujhe
Mujh ko sarkarؐ se be talab chahiye
ربِّ عالم کے قرآن سے سیکھنا
احمدِ مجتبیٰؐ کا ادب چاہیے
Rabb-e-Aalam ke Quran se seekhna
Ahmad-e-Mujtabaؐ ka adab chahiye
قبر کی حشر کی مشکلوں میں مجھے
آپؐ کا ساتھ شاہِ عربؐ چاہیے
Qabr ki hashr ki mushkilon mein mujhe
Aapؐ ka saath Shah-e-Arabؐ chahiye
اُنؐ کا در چوم لوں سنگِ در چوم لوں
حاضری کوئے محبوبِ ربؐ چاہیے
Unؐ ka dar choom loon sang-e-dar choom loon
Hazri koe mahabub-e-Rabbؐ chahiye
تیراؐ اشفاقؔ جی تو رہا ہے مگر
کچھ قرینے سے جینے کا ڈھب چاہیے
Teraؐ Ashfaqؔ jee to raha hai magar
Kuch qareene se jeene ka dhab chahiye
Share This Naat
Share with friends and family
جو مجھے چاہیے سب کا سب چاہیے
اشفاق احمد غوری