جس کو نسبت ہوئی آپ کے نام سے، سارے عالم میں وہ معتبر ہو گیا
قابلِ رشک تھا اس کا جینا مگر وہ تو مر کر بھی یارو امر ہو گیا
Jis ko nisbat hui aap ke naam se, saare aalam mei woh mo'atabar ho gaya
Qabil-e-rashk tha us ka jeena magar woh to mar kar bhi yaro amar ho gaya
میں تہی دست تھا اور میں بے عمل، قبر میں مجھ کو جس دم اتارا گیا
تب وسیلہ ترے نام کا شاہِ دیںؐ میرا مشکل میں زادِ سفر ہو گیا
Mein tehi dast tha aur mein be amal, qabar mei mujh ko jis dam utaara gaya
Tab waseela tere naam ka Shah-e-deenؐ mera mushkil mei zaad-e-safar ho gaya
تیری مرضی پہ محبوبِ ربُّ العلیٰ ڈوبے سورج کو مولا نے پلٹا دیا
تیری انگلی کا پا کر اشارہ شہا شق یکا یک فلک پر قمر ہو گیا
Teri marzi pe Mahboob-e-Rab-ul-al'a doobay sooraj ko Maula ne palta diya
Teri ungli ka paa kar ishara sheha shaq yak a yak falak par qamar ho gaya
ابنِ یاسرؓ ہو یا ہو بلالِ حبشؓ ہو سلیمانِؓ فارس کہ ہو علم دیں ؒ
ظلم جس نے سہا ہے ترے نام پر وہ ہی سرتاجِ اہلِ نظر ہو گیا
Ibn-e-Yasirؓ ho ya ho Bilal-e-Habashؓ ho Sulaimanؓ e Fars ke ho ilm deenؒ
Zulm jis ne saha hai tere naam par woh hi Sar Taaj-e-ahl-e-nazar ho gaya
کربلا کی دہکتی ہوئی ریت پر ،سجدہ ریزی تری اے علیؓ کے پسر
مرحبا میرے آقاؐ کے نورِ نظر تُو نے سجدہ کیا اور امر ہو گیا
Karbala ki dehekti hui rait par, sajda rezi teri aye Aliؓ ke pisar
Marhaba mere aaqaؐ ke Noor-e-nazar tu ne sajda kiya aur amar ho gaya
اس جلیلِ حزیں سے مرے چارہ گر! غم کے طوفان سارے ہی ٹل جائیں گے
تیری چشمِ کرم کا اشارہ شہا! اس نکمّے کی جانب اگر ہو گیا
Is jaleel-e-hazeen se mere charah gar! Gham ke toofan sare hi tal jaien ge
Teri chashm-e-karam ka ishara sheha! Is nikkmey ki janib agar ho gaya
Share This Naat
Share with friends and family
جس کو نسبت ہوئی آپ کے نام سے
حافظ عبدالجلیل