naat
اپنی بخشش کیلئے رو کے الگ بات کروں
اپنی بخشش کیلئے رو کے الگ بات کروں
کیوں نہ سرکار سے میں ہو کے الگ بات کروں
Apni bakhshish ke liye ro ke alag baat karoon
Kyun na Sarkar se main ho ke alag baat karoon
گنبدِ سبز کو آنکھوں سے جو کچھ کہنا ہو
بہتے اشکوں سے نظر دھو کے الگ بات کروں
Gumbad-e-Sabz ko aankhon se jo kuch kehna ho
Behte ashuon se nazar dho ke alag baat karoon
بات تو کر لوں مگر پھر یہ خیال آتا ہے
کوئی صدّیق ہوں میں جو کے الگ بات کروں
Baat to kar loon magar phir yeh khayal aata hai
Koi Siddiq hoon main jo ke alag baat karoon
سوچتا ہوں کہ خدوخالِ غمِ عقبٰی سے
ارضِ دل میں ترا غم بو کے الگ بات کروں
Sochta hoon ke khudokhaal-e-gham-e-aqba se
Arz-e-dil mein tera gham bo ke alag baat karoon
وہ بھی دن آئے کہ میں آپ سے اے فخرِ جہاں
دنیا والوں سے پرے، سو کے الگ بات کروں
Woh bhi din aaye ke main aap se ay fakhr-e-jahan
Duniya walon se pure, so ke alag baat karoon
نعت کہتا رہوں، یہ وقت نہ آئے آقا
تیرے قدموں کے نشاں کھو کے الگ بات کروں
Naat kehta rahoon, yeh waqt na aaye aaqa
Tere kadmon ke nishaan kho ke alag baat karoon
وادئ خوابِ تبسم میں مرے مرکزِ دل
اپنی تصویر اتارو کہ الگ بات کروں
Waadi-e-khaab-e-tabasum mein mere markaz-e-dil
Apni tasveer utaaro ke alag baat karoon
Share This Naat
Share with friends and family
اپنی بخشش کیلئے رو کے الگ بات کروں
حافظ محمد ابوبکر تبسمؔ