نبی کا روضہء اقدس جہاں ہے
وہاں کا چپّہ چپّہ آسماں ہے
Nabi ka roza-e-aqdas jahan hai
Wahan ka chappah chappah aasman hai
وہ جلوہ گاہ ہے نور الہدیٰ کی
وہاں کا ذرّہ ذرّہ کہکشاں ہے
Woh jalwah gaah hai noor ul huda ki
Wahan ka zarrah zarrah kahkashan hai
وہاں کی ہر گلی نکہت بد اماں
وہاں کا گوشہ گوشہ گلستاں ہے
Wahan ki har gali nikkhat bad amaan
Wahan ka goshah goshah gulistan hai
وہاں کا خار بھی رشکِ گلستاں
وہاں کا دشت بھی باغِ جناں ہے
Wahan ka khaar bhi rashk-e-gulistan
Wahan ka dasht bhi baagh-e-janaan hai
وہاں کی صبح بھی تسکین خاطر
وہاں کی شام بھی آرام جاں ہے
Wahan ki subah bhi taskeen khatir
Wahan ki shaam bhi aaraam jaan hai
ہوا بھی دل نواز و روح افزا
فضا بھی عطر بیز و گل فشاں ہے
Hawa bhi dil nawaaz o rooh afzaa
Fiza bhi ittar baiz o gul fishaan hai
وہی فردوس بریں روئے زمیں ہے
وہی رشکِ چہارم آسماں ہے
Wohi firdous barein ro-e-zameen hai
Wohi rashk-e-chaharam aasman hai
وہاں ہر قدم پر جلوہ گاہیں
تو ہر منظر میں ایمن کا سماں ہے
Wahan har qadam par jalwah gaahen
To har manzar mein aiman ka samaan hai
دیارِ پاک کا دریوزہ گر بھی
رئیس الملک ہے ‘ شاہِ جہاں ہے
Diyar-e-paak ka dariyozah gar bhi
Rayees ul mulk hai 'shaah-e-jahaan hai
مدینے کی گلی کیا ہے نہ پوچھو
وہاں کی خاک بھی جنسِ گراں ہے
Madinay ki gali kya hai na poochho
Wahan ki khaak bhi jins-e-garaan hai
مقاماتِ حسیں تو اور بھی ہیں
مگر اتنا حسیں کوئی کہاں ہے
Maqamat-e-haseen to aur bhi hain
Magar itna haseen koi kahan hai
Share This Naat
Share with friends and family
نبی کا روضہء اقدس جہاں ہے
پروفیسراقبال عظیم