اشک یادِ نبی میں جب نکلیں مشعل راہ بن کے آتے ہیں
عاشقِ مصطفیٰ کی منزل تک نقرئی راستہ بناتے ہیں
Ashk yaad-e-nabi mein jab niklein mash'al rah ban ke aate hain
'Aashiq-e-Mustafa ki manzil tak naqre'ee rasta banate hain
ہم کو پاسِ ادب ہے اس دَر کا جب درِ مصطفیٰ پہ جاتے ہیں
لب کو دیتے ہیں حکم ِ خاموشی ، حال دل اشک ہی سناتے ہیں
Hum ko paas-e-adab hai is dar ka jab dar-e-Mustafa pe jaate hain
Lab ko dete hain hukm-e-khamoshi, haal dil ashk hi sunaate hain
چشمِ تر کو تلاش کرتی ہے رحمت حق ، یہ جان کر ہم بھی
داغَ دامن کے دھونے جاتے ہیں ، داغ دامن کے دھو کر آتے ہیں
Chashm-e-tar ko talash karti hai rehmat Haq, ye jaan kar hum bhi
Daagh daaman ke dhone jaate hain, daagh daaman ke dho kar aate hain
ان کی رحمت کو جوش آتا ہے آ لپٹتی ہے مرے سینہ سے
میری آنکھوں سے ان کے قدموں تک میرے آنسو جو بہہ کے جاتے ہیں
Un ki rehmat ko josh aata hai aa lipatti hai mere seenay se
Meri aankhon se un ke qadamom tak mere aansu jo beh ke jaate hain
ناز ان کے اگر اُٹھائیں نہیں ، اشک بھی روٹھ جائیں ، آئیں نہیں
غمِ طیبہ میں دل لہو کر کے پہلے مشروب اُنھیں پلاتے ہیں
Naaz un ke agar uthayein nahi, ashk bhi rooth jaayein, aayein nahi
Gham-e-Taybah mein dil lahoo kar ke pehle mashroob unhein pilaate hain
جن کی آنکھوں سے روز و شب آنسو بہہ رہے ہیں فراقِ طیبہ میں
خود وہ جائیں نہ جائیں طیبہ تک ، ان کے آنسو ضرور جاتے ہیں
Jin ki aankhon se roz o shab aansu beh rahe hain firaaq-e-Taybah mein
Khud woh jaayein na jaayein Taybah tak, un ke aansu zaroor jaate hain
خوگرِ ضبط ہیں ادیبؔ بہت ، ان کے چہرے کو دیکھنے والو
ان کا باطن ہے جس طرح پنہاں ، اشک بھی کب نظر میں آتے ہیں
Khugar-e-zabt hain Adeeb bahut, un ke chehre ko dekhne waalo
Un ka baatin hai jis tarah pinhaan, ashk bhi kab nazar mein aate hain
Share This Naat
Share with friends and family
اشک یادِ نبی میں جب نکلیں مشعل راہ بن کے آتے ہیں
حضرت ادیب رائے پوری