میداں میں مانگتا تھا عَدُو اپنے سُر کی خیر
شر مِٹ گیا جہان سے، خیر البشرؐ کی خیر
Maidan mein maangta tha adu apne sur ki khair
Shar mit gaya jahan se, khair ul basharؐ ki khair
اُس رُخ کے سامنے نہیں شمس و قمر کی خیر
اہلِ نظر بھی مانگ رہے ہیں نظر کی خیر
Us rukh ke samne nahi shams o qamar ki khair
Ahl e nazar bhi maang rahe hain nazar ki khair
اُن کا کرم ہے میرے لیے عُمر بھر کی خیر
مَیں در بدر کبھی نہ پھرا، اُن کے در کی خیر
Un ka karam hai mere liye umr bhar ki khair
Main dar bar kabhi na phira, un ke dar ki khair
سُوئے حجاز مائلِ پرواز ہُوں پھر آج
اے رحمتِؐ تمام! مِرے بال و پَر کی خیر
Suye hijaz mael e parwaaz hoon phir aaj
Ae rehmat eؐ tamaam! Mere bal o par ki khair
بے تابیاں اِدھر ہیں اُدھر عالمِ حجاب
ایسے میں اب کہاں دلِ آشفتہ سَر کی خیر
Be tabiyan idhar hain udhar alam e hijab
Aise mein ab kahan dil e ashufta sar ki khair
آئے حُضورِؐ پاک تو دنیا بدل گئی
کافور کفر ہوگیا اِس کّر و فر کی خیر
Aaye huzur eؐ pak to duniya badal gayi
Kafoor kufr ho gaya is kar o far ki khair
پھر مضطرب ہُوں جلوۂ دیدار کے لیے
تابِ نظر کی خیر ہو، ذوقِ نظر کی خیر
Phir muztarib hoon jalwa e deedaar ke liye
Tab e nazar ki khair ho, zoq e nazar ki khair
اُن کے بغیر کچھ بھی نہیں کائنات میں
اُن کے کرم سے فرش و فلک، بحر و بر کی خیر
Un ke baghair kuch bhi nahi kainaat mein
Un ke karam se farsh o falak, bahr o bar ki khair
یکتا ہیں دونوں، عالمِ ناز و نیاز میں
میری جبیں کی خیر ہو، اُس سنگِ در کی خیر
Yakta hain dono, alam e naaz o neyaaz mein
Meri jabin ki khair ho, us sang e dar ki khair
کچھ کم نہیں نصیرؔ وہ شمر و یزید سے
مطلوب ہو نہ جس کو محمدؐ کے گھر کی خیر
Kuch kam nahi naseer shamar o yazeed se
Matloob ho na jis ko Muhammadؐ ke ghar ki khair
Share This Naat
Share with friends and family
میداں میں مانگتا تھا عَدُو اپنے سُر کی خیر
سید نصیرالدیں نصیر