سجن روگ مٹا جاندے نے
خوشیاں پلے پا جاندے نے
Sajn rog mita jande ne
Khushiyan pale pha jande ne
بھل جاندے دکھ سب دنیا دے
جدا اوہ چیتے آ جاندے نے
Bhal jande dukh sab duniya de
Jida oh chite aa jande ne
پھل محبوب دی یاداں والے
گھر دا گھر مہکا جاندے نے
Phal mehboob di yaadan wale
Ghar da ghar mehka jande ne
جھات کرم دی پا جاندے نے
دل دی جھوک وسا جاندے نے
Jhaat karam di pa jande ne
Dil di jhok wasa jande ne
میرے گھر وچہ پھیرا پا کے
مرا مان ودھا جاندے نے
Mere ghar vich pheera pa ke
Mera maan vadha jande ne
ہور کسے دا پتہ نئیں سانوں
ساڈی بزم سجا جاندے نے
Hor kise da pta nai saanu
Sadi bazm saja jande ne
جیہدے دل وی پھیرا پاون
اوہدے بھاگ جگا جاندے نے
Jihde dil v pheera pavan
Ohde bhaag jaga jande ne
جھے سجدی نعت دی محفل
اوتھے آقا آ جاندے نے
Jhe sajdi naat di mehfil
Othe aaqa aa jande ne
رب دے بندے جد وی چاہون
بیڑے بنے لا جاندے نے
Rab de bande jad v chaahun
Beade bane la jande ne
غم دکھ درد جدائیاں والے
جیوندیاں مار مکا جاندے نے
Gham dukh dard judaaiyaan wale
Jyondian maar muka jande ne
نعت پڑھن دا ول نئیں مینوں
آقا گل بنا جاندے نے
Naat parhan da wal nai mainu
Aaqa gal bana jande ne
مظلوماں دے بول نیازی
رب دا عرش ہلا جاندے نے
Mazloomaan de bol Niazi
Rab da arsh hila jande ne
Share This Naat
Share with friends and family
سجن روگ مٹا جاندے نے
عبدالستار نیازی