نہ خوابِ جنت و حُور و قصور دیکھا ہے
نہ ہم نے جلوہء طوبیٰ و طور دیکھا ہے
Na khwab-e-jannat o hoor o qasoor dekha hai
Na hum ne jalwa-e-tooba o toor dekha hai
مگر یہ ناز ہے ہم کو کہ چشم باطن سے
ہزار بار مدینہ ضرور دیکھا ہے
Magar ye naz hai hum ko ke chashm-e-batin se
Hazaar baar Madina zaroor dekha hai
وفورِ شوق میں ہم چل پڑے ہیں سوئے حرم
نہ پاس دیکھا ہے ہم نے نہ دُور دیکھا ہے
Wafoor-e-shauq mein hum chal pare hain soo-e-haram
Na paas dekha hai hum ne na door dekha hai
چراغِ طاقِ حرم ہے ‘ حریم کعبہ ہے
وہ آنکھ جس نے دیارِ حضور ﷺ دیکھا ہے
Chiragh-e-taaq-e-haram hai ' Hareem-e-Kaaba hai
Woh aankh jis ne diyar-e-Huzoor ﷺ dekha hai
اذانِ صبح میں جب جب سنا ہے نام ِرسول ﷺ
زمیں سے تابہ فلک خطِ نور دیکھا ہے
Azaan-e-subh mein jab jab suna hai naam-e-Rasool ﷺ
Zameen se tabah falak khat-e-noor dekha hai
خدا کی شان نظر آئی ہم کو قرآں میں
مگر کچھ اور بھی بین السطور دیکھا ہے
Khuda ki shaan nazar aai hum ko Qur'aan mein
Magar kuch aur bhi bain-al-sutoor dekha hai
مدینے جا کے نہ پوچھو کہ ہم نے کیا دیکھا
بس ایک عالمِ صد رنگ و نُور دیکھا ہے
Madine ja ke na poocho ke hum ne kya dekha
Bas aik aalam-e-sad rang-o-noor dekha hai
خلوصِ دل سے صدا دی ہے جب انہیں اقبؔال
نزولِ رحمت ِ ربِ غفور دیکھا ہے
Khuloos-e-dil se sada di hai jab unhein Iqbal
Nuzool-e-Rehmat-e-Rabb-e-Ghafoor dekha hai
Share This Naat
Share with friends and family
نہ خوابِ جنت و حُور و قصور دیکھا ہے
پروفیسراقبال عظیم