اس طرح تُو نے ہر انساں سے محبّت کی تھی
آدمیت نے تِرے ہاتھ پہ بیعت کی تھی
Is tarah tu ne har insan se mohabbat ki thi
Adamiyyat ne tire hath pe bai'at ki thi
وقت کے آخری لمحے بھی کھڑے تھے پیچھے
سحَر و شام کی جب تُو نے امامت کی تھی
Waqt ke aakhri lamhe bhi khare the peeche
Sahar o shaam ki jab tu ne imamat ki thi
پر ورش پائی تھی تہذیب نے آنگن میں تِرے
تیرے بچپن نے بھی اُستادی حکمت کی تھی
Parwarish payi thi tehzeeb ne aangan mein tire
Tere bachpan ne bhi ustadi hikmat ki thi
ہر پیمبر ترے سائے میں لپٹ کر آیا
تیری آواز نے تکمیلِ حقیقت کی تھی
Har paimbar tere saaye mein lipat kar aaya
Teri awaaz ne takmeel-e-haqeeqat ki thi
تیرے اِک سانّس کی قیمت بھی کوئی کیا دے گا
تہی دستی میں بھی شاہوں کی کفالت کی تھی
Tere ik saans ki qeemat bhi koi kya dega
Tahi dasti mein bhi shahoon ki kifalat ki thi
دیکھ لیتا تھا پس ِ پُشت بھی آگے کی طرح
تجھ کو خالق نے وہ بینائی و دلیعت کی تھی
Dekh leta tha pas-e-pusht bhi aage ki tarah
Tujh ko Khaaliq ne woh beenaai o dalalat ki thi
اُس کا اِ ک رُخ ہی عطا کر مری بے صبری کو
تُو نے ہر حال میں جس طرح قناعت کی تھی
Us ka ik rukh hi ata kar meri besabri ko
Tu ne har haal mein jis tarah qan'a'at ki thi
کوئی بھی آئِنہ کیا اِس کے مقابل ٹھہرے
سادگی نے تِری ، آرائش ِ اُمّت کی تھی
Koi bhi aaina kya is ke muqabil thahre
Saadgi ne teri, aaraish-e-ummat ki thi
کاش اُسی طرح مظؔفّر تری تقلید کرے
جس طرح تیری صحابہ نے اطاعت کی تھی
Kaash usi tarah Muzzafar teri taqleed kare
Jis tarah teri sahaba ne itaat ki thi
Share This Naat
Share with friends and family
اس طرح تُو نے ہر انساں سے محبّت
مظفر وارثی