تعریف کی خاطر ہے نہ شہرت کے لیے ہے
یہ نعتِ نبیؐ جوشِ محبت کے لیے ہے
Tarif ki khatir hai na shohrat ke liye hai
Ye naat-e-nabiؐ josh-e-mohabbat ke liye hai
خوش بخت ہوں میں آپ کی امت میں ہوں شامل
فردوسِ بریں آپ کی امت کے لیے ہے
Khush bakht hoon main aap ki ummat mein hoon shaamil
Firdous-e-bareen aap ki ummat ke liye hai
سدرہ حدِ جبریل ہے قوسین سے آگے
مخصوص جگہ صاحبِ رفعت کے لیے ہے
Sidrah had-e-jibraeel hai qausain se aage
Makhsoos jagah sahib-e-rafat ke liye hai
ہوگا سرِ آقاؐ پہ سرِ حشر مزین
وہ تاج جو مخصوص شفاعت کے لیے ہے
Hoga sar-e-aqaؐ pe sar-e-hashr muzayyan
Woh taj jo makhsoos shafa'at ke liye hai
کرتے ہیں ثنا بہرِ سعادت سبھی ورنہ
قرآن ہی کافی تری مدحت کے لیے ہے
Karte hain sana behr-e-sa'adat sabhi warna
Quran hi kafi teri mad'hat ke liye hai
ہر دور کا منشورِ نظام اس میں ہے پنہاں
ہر دور میں قرآن ہدایت کے لیے ہے
Har daur ka manshoor-e-nizaam is mein hai pinha
Har daur mein quran hidayat ke liye hai
تحریر میں ہرگز نہ کبھی لائیے وہ لفظ
جو شانِ پیمبر کی اہانت کے لیے ہے
Tehreer mein harگز na kabhi laiye woh lafz
Jo shaan-e-paighambar ki ihaanat ke liye hai
بوبکر کا آقاؐ کا مصلے پہ بڑھانا
تمہید یہ حقدارِ خلافت کے لیے ہے
Bubakr ka aqaؐ ka musallay pe barhana
Tamheed ye haqdaar-e-khilafat ke liye hai
محکوم ہے کیوں آج غلامِ نبیؐ احسؔن
مومن تو زمانے کی قیادت کے لیے ہے
Mahkoom hai kyun aaj ghulaam-e-nabiؐ Ahsan
Momind to zamanay ki qiadat ke liye hai
Share This Naat
Share with friends and family
تعریف کی خاطر ہے نہ شہرت کے لیے ہے
احسن اعظمی