اُنکی سیرت رہے زندگانی کے ساتھ
پھر عمل اُس پہ ہو جاں فشانی کے ساتھ
Unki seerat rahe zindagani ke saath
Phir amal us pe ho jaan fshani ke saath
عظمتِ مُصطفٰے کو سمجھنا ہے گر
پھر پڑھو سارا قُرآں معانی کے ساتھ
Azmat-e-Mustafa ko samjhna hai gar
Phir pdho saara Qur'an ma’ani ke saath
خود خُدا نے بُلایا اُنہیں عرش پر
جبکہ مُوسٰی رہے ’’لَن تَرَانِی‘‘ کے ساتھ
Khud Khuda ne bulaya unhein arsh par
Jabkeh Musa rahe "Lan Tarani" ke saath
جن کو آقا نے اِذنِ حضوری دیا
وہ مدینے گئے شادمانی کے ساتھ
Jin ko aaqa ne izin-e-huzoori diya
Woh Madine gaye shaadmani ke saath
جن پہ اُن کے کرم کی نظر ہو گئی
پھر وہ لَوٹے بڑی کامرانی کے ساتھ
Jin pe unke karam ki nazar ho gayi
Phir woh lote badi kamrani ke saath
ہم قلادہ پہن کر ترے نام کا
آئیں گے حشر میں اِس نشانی کے ساتھ
Hum qlada pehan kar tere naam ka
Aaenge hashr mein is nishani ke saath
ربِّ سَلِّم جو ہوگی صدا آپکی
پُل سے گُزریں گے ہم کامرانی کے ساتھ
RabbiSalli jo hogi sada aapki
Pul se guzrein ge hum kamrani ke saath
حشر میں کاش ! ہم کو جگہ مل سکے
اُس لِوا کے تلے اپنے جانی کے ساتھ
Hashr mein kash! hum ko jagah mil sake
Us liwa ke tale apne jaani ke saath
بد گُمانی سے رہنا سدا مُجتنِب
تیرا ایماں نہیں بد گُمانی کے ساتھ
Bad gumaani se rehna sada mujtanib
Tera eeman nahin bad gumaani ke saath
اُن کے دیدار کی ہے عجب تشنگی
یہ کبھی بُجھ نہ پائے گی پانی کے ساتھ
Unke deedaar ki hai ajab tishnaagi
Yeh kabhi bujh na paye gi pani ke saath
تیرے چہرے کی رنگت کا میرے شہا !
کیا تقابل گُلِ ارغوانی کے ساتھ
Tere chehre ki rangat ka mere sheha!
Kya taqabul gul-e-arghwani ke saath
میں جلیل اُن کے در کے تھا قابل کہاں
خود ہی بُلوا لیا مہربانی کے ساتھ
Main Jaleel unke dar ke tha qabil kahaan
Khud hi bulwa liya meharbani ke saath
Share This Naat
Share with friends and family
اُنکی سیرت رہے زندگانی کے ساتھ
حافظ عبدالجلیل