عشاق کے لیے ہے شفاعت رسول کی
اور دشمنوں کے واسطے لعنت رسول کی
Aashiqon ke liye hai shafa'at Rasool ki
Aur dushmanon ke waste lanat Rasool ki
عرفانِ ذاتِ باری تعالیٰ دیا ہمیں
کیا کم ہے ہم پہ یہ بھی عنایت رسول کی
Irfan-e-zaat-e-bari ta'ala diya humein
Kya kam hai hum pe ye bhi inayat Rasool ki
طیبہ کو مصطفیٰ نے دیا روپ اک نیا
ہے اس کے ذرہ ذرہ میں برکت رسول کی
Taybah ko Mustafa ne diya roop ek naya
Hai is ke zarra zarra mein barkat Rasool ki
عرقِ بدن رسول کا مہکے گلاب میں
مشکِ ختن نے پائی ہے نکہت رسول کی
Arq-e-badan Rasool ka mehke gulaab mein
Mushk-e-khatan ne pai hai nakhat Rasool ki
نبیوں کے بعد جن کا لقب افضل البشر
صدیق کو ہے زیبا خلافت رسول کی
Nabiyon ke baad jin ka laqab afzal-ul-bashar
Siddiq ko hai zeba khilafat Rasool ki
اچھے برے کے فرق سے فاروق وہ ہوئے
تھی دستیاب عمر کو عدالت رسول کی
Achhe bure ke farq se Farooq woh hue
Thi dastiyaab Umar ko adaalat Rasool ki
دولت فروغِ دین پہ جی بھر کے خرچ کی
عثمان کو ملی تھی سخاوت رسول کی
Daulat farogh-e-deen pe jee bhar ke kharch ki
Usman ko mili thi sakhaawat Rasool ki
خیبر کا در اکھاڑ کے پھینکا بفضلِ حق
دیکھی علی میں ہم نے شجاعت رسول کی
Khyber ka dar ukhaad ke phenka b-fazl-e-Haq
Dekhi Ali mein hum ne shuja'at Rasool ki
نبیوں میں سب سے اعلیٰ ہے رتبہ حضور کا
سب امتوں سے بڑھ کے ہے امت رسول کی
Nabiyon mein sab se a'ala hai rutba Huzoor ka
Sab ummaton se barh ke hai ummat Rasool ki
طیبہ کا عکس بن گئی بغداد کی زمیں
ہے ذات محی دیں میں ولایت رسول کی
Taybah ka aks ban gayi Baghdad ki zameen
Hai zaat-e-muhi deen mein wilayat Rasool ki
اجمیر ہے ضیائے محمد سے تابناک
خواجہ کے روپ میں ہے کرامت رسول کی
Ajmer hai ziya-e-Muhammad se taabnaak
Khwaja ke roop mein hai karamat Rasool ki
مشہور ہند میں ہوئے مارہرہ بلگرام
ایسی سنبھال رکھی ہے نسبت رسول کی
Mashhoor Hind mein hue Marahra Balgram
Aisi sambhal rakhi hai nisbat Rasool ki
مرکز ہے سنیت کا بریلی کا شہرِ پاک
چمکائی ہے رضا نے شریعت رسول کی
Markaz hai sunnayat ka Bareilly ka sheher-e-paak
Chamkai hai Raza ne shariat Rasool ki
وقتِ وصال ہاتھ میں رکّھی شفا شریف
سید میاں کو ایسی تھی چاہت رسول کی
Waqt-e-wisaal haath mein rakhi shafa Shareef
Syed Miaan ko aisi thi chahat Rasool ki
انسانیت کی نظمی ہے معراج بس یہی
ہو جان سے بھی بڑھ کے محبت رسول کی
Insaaniyat ki nazmi hai ma'raaj bas yehi
Ho jaan se bhi barh ke mohabbat Rasool ki
Share This Naat
Share with friends and family
عشاق کے لیے ہے شفاعت رسول کی
سید آل رسول حسنین میاں برکاتی نظمی