عمر ہو میری بسر اُس شہر میں
ختم ہو جا کے سفر اُس شہر میں
Umar ho meri basar us shehr mein
Khatam ho ja ke safar us shehr mein
جاگتے ہیں اپنی اُمت کے لیے
را ت دن خیر البشرؐ اُس شہر میں
Jagty hain apni ummat ke liye
Rat din khairul bashar us shehr mein
جھومتا ہے دل خوشی سے با ر بار
مسکراتی ہے نظر اُس شہر میں
Jhoomta hai dil khushi se baar baar
Muskurati hai nazar us shehr mein
لوگ سوتے ہیں بڑے آرام سے
پہرہ دیتے ہیں عمر اُس شہر میں
Log soty hain bary aaram se
Pehra dete hain umar us shehr mein
بھیجتے ہیں آپ پر مِل کر درُود
شہر کے سارے شجر اُس شہر میں
Bhejte hain aap par mil kar durood
Shehr ke sare shajar us shehr mein
اپنی ساری تلخیوں کے باوجود
موت ہے دلکش مگر اُس شہر میں
Apni sari talkhiyon ke bawajood
Maut hai dilkash magar us shehr mein
دوسری دنیا کے ہیں منظر وہاں
خواب سے ہیں رہگذر اُس شہر میں
Dosri duniya ke hain manzar wahan
Khwab se hain rehguzar us shehr mein
قابلِ تعظیم ہیں شہری تمام
محترم ہیں سارے گھر اُس شہر میں
Qabil-e-tazeem hain shehri tamam
Mohtaram hain sare ghar us shehr mein
Share This Naat
Share with friends and family
عمر ہو میری بسر اُس شہر میں
انجم نیازی