غمِ عشق ِ نبیؐ میں کیف افزا چشمِ پُر نم ہے
نمایاں آنسووں سے ہے خوشی کتنا حسیں غم ہے
Gham-e-ishq-e Nabiؐ mein kaif afza chashm-e pur nam hai
Namayan aansuon se hai khushi kitna haseen gham hai
یہی عرفان ہے اپنا یہی ایمان رکھتے ہیں
کہ جس کا خُلق ہے قرآں وہ قرآن ِ مجسّم ہے
Yahi irfan hai apna yahi imaan rakhte hain
Ke jis ka khulq hai Quran woh Quran-e Mujassam hai
ہزار آلودہء عصیاں سہی دامن مِرا لیکن
شفیع المذنبیں ہیں رحمت ِ عالمؐ تو کیا غم ہے
Hazaar aloodah-e isyan sahi daaman mera lekin
Shafi-ul-muznibeen hain Rehmat-e Aalamؐ to kya gham hai
خدا کو دیکھتے ہیں ان کا چہرہ دیکھنے والے
جمالِ مصطفؐےٰ تنویر ِ خلّاقِ دو عالم ہے
Khuda ko dekhte hain un ka chehra dekhne wale
Jamal-e Mustafaؐ tanveer-e Khallaaq-e do Aalam hai
عروج انکا علُو ان کا خدا جانے کہاں تک ہے
کہ جن کے آستانے پر جبینِ ہر شرف خم ہے
Urooj unka aloo unka Khuda jaane kahan tak hai
Ke jin ke aastane par jabin-e har sharaf kham hai
نہیں دیکھیں گے مُنہ ہم نامرادی کا ہم اُنکے ہیں
انہیں پر ناز کرتے ہیں یہی نسبت مکرم ہے
Nahi dekhenge munh hum namaradi ka hum unke hain
Unhi par naaz karte hain yahi nisbat mukarram hai
بقدرِ ظرف بھر دیتے ہیں جھولی ہر بھکاری کی ،
نگاہِ رحمتہً لِلْعَالمیں بخشش کی محرم ہے
Ba-qadr-e zarf bhar dete hain jholi har bhikari ki,
Nigah-e Rehmat-ul-lil-alameen bakhshish ki mehrem hai
یہ اندازِ مسیحائی یہ فیضانِ نظر دیکھو
مرے آقا کے بیماروں میں شامل ابنِ مریم ؑ ہے
Yeh andaaz-e Maseehai yeh faizaan-e nazar dekho
Mere Aaqa ke beemaron mein shaamil ibn-e Maryamؑ hai
ہیں جتنے انبیاؑء خالدؔ سبھی ارفع ہیں اعلی ٰ ہیں
مرا آقاؐ مرا مولا مگر سب سے مکرم ہے
Hain jitne Anbiyaؑ Khalid sabhi arfa hain a'ala hain
Mera Aaqaؐ mera Moula magar sab se mukarram hai
Share This Naat
Share with friends and family
غمِ عشق ِ نبیؐ میں کیف افزا چشمِ پُر نم ہے
خالد محمود خالد