نبی کی بزم میں سلطان یا غلام آئے
کوئی بھی آئے بصد عز و احترام آئے
Nabi ki bazm mein sultan ya ghulam aaye
Koi bhi aaye bsad izz o ehtram aaye
سنوارنے کے لیے گیسوئے نظامِ جہاں
مرے حضور لیے عالمی نظام آئے
Sanwarnay ke liye gesway nizam-e-jahan
Mere huzoor liye alami nizam aaye
لیے نویدِ مسرت پکارتی ہے صبا
خوشی مناؤ جہاں میں شہِ انام آئے
Liye naveed-e-musarrat pukarti hai saba
Khushi manao jahan mein sheh-e-inam aaye
ملائکہ ہوں اجنّہ ہوں ابنِ آدم ہوں
سبھی کی بزم میں غل ہے مرے امام آئے
Malaika hon ajinna hon ibn-e-adam hon
Sabhi ki bazm mein ghal hai mere Imam aaye
اسے غلامِ شہِ دوسرا میں کیسے لکھوں
درود جو نہ پڑھے جب نبیؐ کا نام آئے
Use ghulam-e-sheh-e-dosra mein kaise likhoon
Durood jo na parhe jab Nabi ka naam aaye
دیا یہ درس رسولِ خدا نے امت کو
وہی ہے بندۂ مومن جو سب کے کام آئے
Diya ye dars Rasool-e-Khuda ne Ummat ko
Wohi hai banda-e-Momin jo sab ke kaam aaye
چلو گدا گرو! دہلیزِ ہاشمی پہ چلو
لیے کرم کا نبیؐ آج فیضِ عام آئے
Chalo gada garo! dehleez-e-Hashmi pe chalo
Liye karam ka Nabi aaj faiz-e-aam aaye
اِک انقلاب تھا سوئے نبیؐ عمر کا سفر
گئے تھے طیش میں لوٹے تو شاد کام آئے
Ik inqilab tha soye Nabi Umar ka safar
Gaye the taish mein lote to shad kaam aaye
مٹا سکیں گے ہمارے دلوں سے عشقِ نبیؐ
نہ ایسا قلبِ عدو میں خیال خام آئے
Mita sakenge hamare dilon se ishq-e-Nabi
Na aisa qalb-e-adu mein khayal-e-khaam aaye
الہٰی اتنی تمنا ہے تیرے احسؔن کی
مری حیات کی شہرِ نبیؐ میں شام آئے
Ilahi itni tamanna hai tere Ahsan ki
Meri hayat ki shehr-e-Nabi mein shaam aaye
Share This Naat
Share with friends and family
نبی کی بزم میں سلطان یا غلام آئے
احسن اعظمی