مٹھے مٹھے سوہنے تیرے بول کملی والیا
کج لیندے عاصیاں دے پول کملی والیا
Mit`he mit`he sohne tere bol Kamli Valia
Kuj leinde aasiyaan de pol Kamli Valia
ٹھنڈیاں ہواواں نے مدینے وچوں چلیاں
زلفاں نوں دتا جدوں کھول کملی والیا
T`hand`iyaan havaawan ne Madine vichoon chaliyaan
Zulfaaan noon ditta jadoon khol Kamli Valia
تیرے ای سہارے مینوں جگ تے سنبھالیا
نئیں تے خورے جاناں سی میں ڈول کملی والیا
Tere ee sahare mainoon jag te sanbhalia
Naiin te khore jaana si main dol Kamli Valia
تیریاں عطاواں دا تے میریاں خطاواں دا
وجیا زمانے اتے ڈھول کملی والیا
Teriyaan ataawan da te meriyaan khataawan da
Vaj`ya zamane ute dhol Kamli Valia
عرش سجایا تے بلاوا رب گھلیا
راتوں رات آ جا میرے کول کملی والیا
Arsh sajaya te balawa Rab gh`h`elia
Ratoon rat a ja mere kol Kamli Valia
اتھرو وگاواں نالے ویکھی جاواں جالیاں
بہہ کے تیرے قدماں دے کول کملی والیا
Athroo vaghawaan nale vekhi jawaan jaaliyaan
Beh ke tere kadmaan de kol Kamli Valia
اپنے غلاماں دے غلاماں دے غلاماں لئی
جنتاں دے بوہے دتے کھول کملی والیا
Apne gulaamaan de gulaamaan de gulaamaan laii
Jannataan de bohe ditte khol Kamli Valia
غم کیویں ظہوریؔ کرے قبر دا تے حشر دا
رحمتاں دی کنجی تیرے کول کملی والیا
Gham kiween Zahoori kere qabar da te hashr da
Rehmataan di kunji tere kol Kamli Valia
Share This Naat
Share with friends and family
مٹھے مٹھے سوہنے تیرے بول کملی والیا
محمد علی ظہوری