مصطفیٰ خیرالوریٰ ہیں آپ ہی شاہِ زمن
منتخب مولا نے کی ذات آپ کی شاہِ زمن
Mustafa khairulwara hain aap hi shah-e zeman
Muntakhib maula ne ki zaat aap ki shah-e zeman
جہل کی تاریکیاں پھیلی ہوئی تھیں چار سُو
آپ لائے ساتھ عِلم و آگہی شاہِ زمن
Jahl ki tareekiyan phaylee hue theen chaar soo
Aap laye saath ilm o aagahi shah-e zeman
کیا عرب سارے جہاں میں ظُلمتوں کا راج تھا
آپ کے آنے سے پھیلی روشنی شاہِ زمن
Kya arab sare jahan mein zulmatoon ka raaj tha
Aap ke aane se phaylee roshni shah-e zeman
مالکِ کونین ہیں پر اختیاری فقر تھا
زندگی میں ہے نمایاں عاجزی شاہِ زمن
Maalik-e konain hain par ikhtiyari faqr tha
Zindagi mein hai numayan aajzi shah-e zeman
اپنےاس بے کس پہ ہو لُطف و عنایت کی نظر
ہو عطا دربار کی پھر حاضری شاہِ زمن
Apne is be kas pe ho lutf o inayat ki nazar
Ho ata darbaar ki phir hazri shah-e zeman
گو کہ عاصی ہُوں مگر ڈھارس ہے دل کو دے رہی
وہ دُعائے ربِّ ہبلی اُمتی شاہِ زمن
Go ke aasi hoon magar dharas hai dil ko de rahi
Woh duae rabb-e habli ummati shah-e zeman
روبرو ہو آپ کا جلوہ لبوں پر نعت ہو
ہو مرا جب اختتامِ زندگی شاہِ زمن
Roobaru ho aap ka jalwa labon par naat ho
Ho mera jab ikhtetam-e zindagi shah-e zeman
مرحمت فرمائیے اب رُخ کے جلوے کی جھلک
آپ کے دیدار کی ہے لو لگی شاہِ زمن
Marhmat farmaiye ab rukh ke jalwe ki jhalak
Aap ke deedaar ki hai lo lagi shah-e zeman
شافعِ روزِ جزا ہیں حشر میں کُھل جائے گا
خلق سب محتاج ہوگی آپ کی شاہِ زمن
Shafi-e roz-e jaza hain hashr mein khul jaye ga
Khaleq sab mohtaaj hogi aap ki shah-e zeman
رنج و غم موقوف مرزا قادری کے کیجیے
ہو عطا اپنے کرم سے بہتری شاہِ زمن
Ranj o gham moqof Mirza Qadri ke kijiye
Ho ata apne karam se behtari shah-e zeman
Share This Naat
Share with friends and family
مصطفیٰ خیرالوریٰ ہیں آپ ہی شاہِ زمن
مرزا جاوید بیگ عطاری