کچھ نہیں مانگتا شاہوں سے ‘یہ شیدا تیرا
اِس کی دولت ہے فقط نقشِ کفِ پا تیرا
Kuch nahi mangta shahoon se 'yeh sheda tera
Is ki dolat hai faqat naqsh-e-kaf-e-pa tera
تہ بہ تہ تیرگیاں ‘ ذہن پہ جب ٹوٹتی ہیں
نور ہو جاتا ہے کچھ اور ہویدا تیرا
Teh bah teh teeragiyan 'zehn pe jab toot'ti hain
Noor ho jata hai kuch aur hoino tera
کچھ نہیں سُوجھتا جب پیاس کی شدت سے مجھے
چھلک اُٹھتا ہے مری رُوح میں ‘ مِینا تیرا
Kuch nahi soojhta jab pyaas ki shiddat se mujhe
Chalak uth'ta hai meri rooh mein 'meena tera
پورے قد سے میں کھڑا ہوں تو یہ تیرا ہے کرم
مجھ کو جُھکنے نہیں دیتا ہے سہارا تیرا
Poore qad se main khara hoon to ye tera hai karam
Mujh ko jhukhne nahi deta hai sahara tera
دستگیری میری تنہائی کی ‘تُو نے ہی تو کی
میں تو مر جاتا ‘ اگر ساتھ نہ ہوتا تیرا
Dastgeeri meri tanhai ki 'tu ne hi to ki
Main to mar jata 'agar saath na hota tera
لوگ کہتے ہیں کہ سایہ ترے پیکر کا نہ تھا
میں تو کہتا ہوں ‘جہاں بھر پہ ہے سایا تیرا
Log kehte hain ke saaya tere paikar ka na tha
Main to kehta hoon 'jahaan bhar pe hai saaya tera
تُو بشر بھی ہے مگر فخرِ بشر بھی تُو ہے
مجھ کو تو یاد ہے بس اِتنا سراپا تیرا
Tu bashar bhi hai magar fakhr-e-bashar bhi tu hai
Mujh ko to yaad hai bas itna saraapa tera
میں تجھے عالمِ اَشیاَ میں بھی پا لیتا ہوں
لوگ کہتے ہیں کہ ہے عالم بالا تیرا
Main tujhe alam-e-ashiya mein bhi pa leta hoon
Log kehte hain ke hai alam bala tera
میری آنکھوں سے جو ڈھونڈیں ‘ تجھے ہر سُو دیکھیں
صرف خلوت میں جو کرتے ہیں نظارہ تیرا
Meri aankhon se jo dhoondhein 'tujhe har soo dekhein
Sirf khalwat mein jo karte hain nazara tera
وہ اندھیروں سے بھی دَرَّانہ گزر جاتے ہیں
جن کے ماتھے میں چمکتا ہے ستارا تیرا
Wo andheron se bhi darr'ana guzar jaate hain
Jin ke maathay mein chamakta hai sitaa tera
ندِّیاں بن کے پہاڑوں میں تو سب گھومتے ہیں
ریگزاروں میں بھی بہتا رہا دریا تیرا
Nadiyaan ban ke paharon mein to sab ghoom'te hain
Raigzaaron mein bhi behta raha darya tera
شرق اور غرب میں بکھرے ہوئےگلزاروں کو
نکَہَتیں بانٹتا ہے آج بھی صحرا تیرا
Sharq aur gharb mein bikhre huye gulzaron ko
Nakatain baant'ta hai aaj bhi sahra tera
اب بھی ظلمات فروشوں کو گِلہ ہے تجھ سے
رات باقی تھی کہ سورج نکل آیا تیرا
Ab bhi zulmaat faroshon ko gila hai tujh se
Raat baqi thi ke sooraj nikal aya tera
تجھ سے پہلے کا جو ماضی تھا ‘ ہزاروں کا سہی
اَب جو تا حشر کا فردا ہے وہ تنہا تیرا
Tujh se pehle ka jo mazi tha 'hazaron ka sahi
Ab jo ta hashr ka farda hai wo tanha tera
ایک بار اور بھی بطحا سے فلسطین میں آ
راستہ دیکھتی ہے مسجدِ اَقصیٰ تیرا
Ek bar aur bhi Batha se Filasteen mein aa
Raasta dekhti hai masjid-e-Aqsa tera
Share This Naat
Share with friends and family
کچھ نہیں مانگتا شاہوں سے ‘یہ شیدا تیرا
احمد ندیم قاسمی