کیا کہئے حضورِ شاہِؐ اُمم کیا قلب کی حالت ہوتی ہے
چلئے تو قدم تھّراتے ہیں رُکئے تو ندامت ہوتی ہے
Kya kahiye huzoor-e-shah-e-umm kya qalb ki halat hoti hai
Chaliye to qadam th-haraate hain rukiye to nadamat hoti hai
روضے کی زیارت کرتے ہی آنکھیں تو وضو کر لیتی ہیں
جالی سے لپٹ کر رونے سے باطن کی طہارت ہوتی ہے
Roze ki ziarat karte hi aankhein to wuzu kar leti hain
Jali se lipat kar rone se baatin ki taharat hoti hai
وہ اذنِ حضُوری کا عالم ،جِس وقت بقیدِ حدِّ ادب
ہر اشک زباں بن جاتا ہے ہر سانس میں مدحت ہوتی ہے
Wo azn-e-huzoori ka alam, jis waqt baqeid-e-had-e-adab
Har ashq zabaan ban jaata hai har saans mein madhat hoti hai
اے راہ روانِ کوئے نبیؐ اس در پہ مجھے بھی لے کے چلو
جس در پر پہنچ کر عاصی کو اُمّیدِ شفاعت ہوتی ہے
Ai raah rawan-e-kooye nabi mujhe bhi le ke chalo
Jis dar par pahunch kar aasi ko ummid-e-shafaat hoti hai
اک بار مدینہ دیکھ آؤ میری ہی طرح ہو جاؤ گے
مجھ کو تو کھلی آنکھوں بخدا ہر وقت زیارت ہوتی ہے
Ek baar Madina dekh aao meri hi tarah ho jaoge
Mujh ko to khuli aankhon bikhuda har waqt ziarat hoti hai
اُس ذات کا ہر دم ذکر رہے اس نام کا پیہم ورد کرو
جس ذکر سے دل بول اٹھتا ہے جس نام سے راحت ہوتی ہے
Us zaat ka har dam zikr rahe is naam ka peham wird karo
Jis zikr se dil bol uthta hai jis naam se raahat hoti hai
جو دشمنِ جاں تھے اُن کے لئے آقاؐ نے دعائیں مانگی ہیں
اے صلِّ علیٰ اِس درجے کی کس قلب میں وسعت ہوتی ہے
Jo dushman-e-jaan the un ke liye aaqa ne duaen maangi hain
Ai sall-e-alaa is darje ke kis qalb mein wusat hoti hai
Share This Naat
Share with friends and family
کیا کہئے حضورِ شاہِؐ اُمم
حنیف اسعدی