ہم کھولتے ہیں راز کہ کس سے ہے کیا مراد
نعتِ رسول سے ہے ثنائے خدا مراد
Hum kholte hain raaz keh kis se hai kya muraad
Naat-e-Rasool se hai sana-e-Khuda muraad
مدّاحی نبی کو کیا جس نے اختیار
وہ شخص کامگار ہے، وہ شخص با مراد
Maddahi Nabi ko kya jis ne ikhtiyar
Woh shakhs kaamgar hai, woh shakhs ba muraad
اللہ کے کرم کی ہے تعمیم جس جگہ
اے دوستو! ہے اس سے عرب کی فضا مراد
Allah ke karam ki hai ta'meem jis jagah
Aye dosto! hai us se Arab ki fiza muraad
منزل نہیں ہے جس کی مدینے کی سر زمیں
لاریب راہرو وہ ہے ناکام و نامراد
Manzil nahin hai jis ki Madine ki sar zameen
La reeb rah-ro woh hai nakaam o naamuraad
ہر چیز اس کے زیرِ قدم ہے جہان کی
مانگے گا کیا حضور کا مدحت سرا مراد
Har cheez us ke zair-e-qadam hai jahan ki
Mange ga kya Huzoor ka madhat sara muraad
ظاہر ہوا ہے آیۂ مَاینُطِقُ سے راز
ہے گفتۂ رسول سے وحی خدا مراد
Zahir hua hai aayah Ma Nooteq se raaz
Hai guftah-e-Rasool se wahi-e-Khuda muraad
محمود اپنا دین ہے اُلفت حضور کی
آقا سے ہے وسیلہ قربِ خدا مراد
Mahmood apna deen hai ulfat Huzoor ki
Aaqa se hai waseela qurb-e-Khuda muraad
Share This Naat
Share with friends and family
ہم کھولتے ہیں راز کہ کس سے ہے کیا مراد
رشید محمود راجا