چھوڑ کے گرد و غبار آئی ترےؐ آنے سے
موجِ گل لے کے قرار آئی ترےؐ آنے سے
Chor ke gard-o-ghubaar aayi tereؐ aane se
Mauj-e-gul le ke qaraar aayi tereؐ aane se
سچ جہاں میں ترے آنے سے ظفر یاب ہوا
جھوٹ کے بخت میں ہار آئی ترےؐ آنے سے
Sach jahan mein tere aane se zafar yaab hua
Jhoot ke bakht mein haar aayi tereؐ aane se
ایک مدت سے جہنم کا جو اک ایندھن تھا
اس کو بخشش کی پکار آئی ترےؐ آنے سے
Ek muddat se jahannum ka jo ek eendhan tha
Us ko bakhshish ki pukaar aayi tereؐ aane se
نسخۂ کیمیا اک غار نے پایا حق سے
غار اک لے کے دو یار آئی ترےؐ آنے سے
Nuskha-e-keemya ek gaar ne paaya haq se
Gaar ek le ke do yaar aayi tereؐ aane se
ورنہ اس دہر میں مفلس کا تھا جینا مشکل
زیست یہ قرض اتار آئی ترےؐ آنے سے
Warna is daur mein muflis ka tha jeena mushkil
Zeest yeh qarz utaar aayi tereؐ aane se
ریگ ذرّوں نے زرِ نور کا زیور پہنا
لُو بھی قسمت ہے نکھار آئی ترےؐ آنے سے
Raig zarron ne zar-e-noor ka zewar pehna
Loo bhi qismat hai nikhaar aayi tereؐ aane se
حقِ مسجود ادا کرنے لگے ہیں سجدے
بندگی لے کے وقار آئی ترےؐ آنے سے
Haqq-e-masjood ada karne lage hain sajde
Bandagi le ke waqaar aayi tereؐ aane se
خاک آلود جبینوں پہ ہے چمکا کعبہ
دین میں طرزِ نگار آئی ترےؐ آنے سے
Khaak alood jabeenon pe hai chamka Kaaba
Deen mein tarz-e-nigaar aayi tereؐ aane se
چھوڑ کے اپنی روایاتِ پراگندہ حیات
حق کا ہے لے کے شعار آئی ترےؐ آنے سے
Chor ke apni riwaayaat-e-paraganda hayaat
Haq ka hai le ke shiaar aayi tereؐ aane se
’’ طَلَعَ البَدْرُ عَلَینَا ‘‘ کی صدا آنے لگی
’’دل کی دنیا میں بہار آئی ترےؐ آنے سے‘‘
"Tala'a al-badr alayna" ki sada aane lagi
"Dil ki duniya mein bahaar aayi tereؐ aane se"
شاعری طاہرِؔ بے فن کے بھی فن پاروں میں
لے کے ہے نقش و نگار آئی ترےؐ آنے سے
Shaayari Tahirؔ be-fann ke bhi fann paaron mein
Le ke hai naqsh-o-nigaar aayi tereؐ aane se
Share This Naat
Share with friends and family
چھوڑ کے گرد و غبار آئی ترےؐ آنے سے
پروفیسر محمد طاہر صدیقی