فرش تا عرش ہیں سارے زمانے آپؐ کے
ساری دنیاؤں کے ہیں مخفی خزانے آپؐ کے
Farsh ta arsh hain saare zamane aapؐ ke
Saari dunyaon ke hain makhfi khazane aapؐ ke
ذرّہ ذرّہ آپؐ کی سچی رسالت پر گواہ
ذرّے ذرّے کی زباں پر ہیں ترانے آپؐ کے
Zarra zarra aapؐ ki sachi risalat par gawaah
Zarre zarre ki zabaan par hain tarane aapؐ ke
رہ گئی گردِ سفر بن کی سجیلی کہکشاں
پاؤں چُومے ہیں ستاروں کی اَنا، نے آپؐ کے
Reh gayi gard-e safar ban ki sajeeli kehkashaan
Paaon choome hain sitaron ki ana, ne aapؐ ke
کروٹیں لیتے ہیں میرے ذہن میں بدر و حنین
یاد آتے ہیں بہت ساتھی پرانے آپؐ کے
Karwatein lete hain mere zehan mein badr o hunain
Yaad aate hain bohat saathi purane aapؐ ke
مرکزِ نُور و نظر ہیں آپؐ کے غار و مزار
سب ٹھکانوں سے حسیں تر ہیں ٹھکانے آپؐ کے
Markaz-e noor o nazar hain aapؐ ke ghar o mazar
Sab thikano se haseen tar hain thikane aapؐ ke
حیرتیں گم ہوگئی ہیں دانشیں ہیں لاجواب
رہ گئے اوصاف گِن گِن کر سیانے آپؐ کے
Hairatein gum hogayi hain danishen hain lajawab
Reh gaye ausaaf gin gin kar siyane aapؐ ke
راستہ تکتی رہیں اُن کی نگاہیں آپؐ کا
ہاتھ چُومے ہیں رسولوں کی دُعا نے آپؐ کے
Raasta takti rahi un ki nigaahen aapؐ ka
Haath choome hain rasulon ki dua ne aapؐ ke
آپ کی یادوں میں گم رہتا ہے انجؔم رات دن
خواب آتے ہیں اِسے اکثر سہانے آپؐ کے
Aap ki yaadon mein gum rehta hai Anjؔum raat din
Khawab aate hain ise aksar sahane aapؐ ke
Share This Naat
Share with friends and family
فرش تا عرش ہیں سارے زمانے آپؐ کے
انجم نیازی