درود ان پر سلام ان پریہ ورد رائج ہے دوجہاں میں
زمیں پہ امت شجر پہ طائر، فرشتے پڑھتے ہیں آسماں میں
darood un par salam un par yeh wird raij hai do jahan mein
zameen pe ummat shajar pe tair, farishte parhte hain aasmaan mein
ہوائے بطحا پیام لائی، کہ مسکراتے ہیں شاہِ والا
غرور ٹوٹا خزاں رُتوں کا، گلاب کھلنے لگے خزاں میں
hawae bat'ha payaam laayi, ke muskurate hain shaah-e-wala
ghuroor toota khizan rutun ka, gulaab khilne lage khizan mein
بہار اُن سے ہے گلشنوں میں، قرار اُن سے ہے دھڑکنوں میں
اُنہی سے ہے زندگی میں رونق، بسے ہوئے ہیں جو قلب و جاں میں
bahar un se hai gulshanon mein, qarar un se hai dhadkanon mein
unhi se hai zindagi mein ronaq, base hue hain jo qalb o jaan mein
میں اپنے دکھ درد کے فسانے، سناؤں گا سوچ کر گیا تھا
درِ نبی پر کہا نہ کچھ بھی، پڑی تھی لکنت مری زباں میں
mein apne dukh dard ke fasanay, sunaoonga soch kar gaya tha
dar-e-nabi par kaha na kuch bhi, pari thi lukanat meri zubaan mein
مرے نبی کے بدن کی خوشبو نے دو جہاں کو کیا مسخر
ختن کا مشک اور عود و عنبر، عبیر تھے جانے کس گماں میں
mere nabi ke badan ki khushboo ne do jahan ko kiya muskhir
khatan ka mushk aur oud o anbar, abeeri the jane kis gumaan mein
طلب کرے گا خدائے قہار عاصیوں کو بروزِ محشر
تو دیکھ لینا چُھپیں گے عاصی، شفیعِ محشر کے آستاں میں
talab kare ga khuda-e-qahaar asiyon ko b roz-e-mahshar
to dekh lena chuphenge asi, shafi-e-mahshar ke aastan mein
پکارے اشفاقؔ جو بھی جب بھی، کوئی سوالی کوئی بھکاری
نہیں، نہیں ہے سرشت اُن کی، جواب ہوتا ہے صرف ہاں میں
pukare ashfaq jo bhi jab bhi, koi sawali koi bhikhari
nahi, nahi hai sarisht un ki, jawaab hota hai sirf haan mein
Share This Naat
Share with friends and family
درود ان پر سلام ان پریہ ورد رائج ہے دوجہاں میں
اشفاق احمد غوری