نہ مثلِ نعتِ محمدؐ ہنر ہنر کوئی
نہ مثلِ ذاتِ محمدؐ بشر بشر کوئی
Na misl-e naat-e Muhammad (ﷺ) hunar hunar koi
Na misl-e zaat-e Muhammad (ﷺ) bashar bashar koi
جو ہم نے دیکھے ہیں نگری میں اپنے آقا کی
نہ ایسی شام نہ ایسی سحر سحر کوئی
Jo hum ne dekhe hain nagri mein apne aaqa ki
Na aisi shaam na aisi sehr sehr koi
مرے حضور کی چشمِ کرم کا کیا کہنا
نہ ایسا کیف نہ ایسی نظر نظر کوئی
Mere Huzoor ki chashm-e karam ka kya kehna
Na aisa kaif na aisi nazar nazar koi
نہ پوچھو کیا ہے کشش جالوں میں روضے کی
نگاہ کیسے ہٹائے اِدھر اُدھر کوئی
Na poocho kya hai kashish jaalon mein rozae ki
Nigaah kaise hataaye idhar udhar koi
تمام جلوے ہی جلوے تمام نور ہی نور
نگاہِ شوق سے دیکھے جدھر جدھر کوئی
Tamaam jalwe hi jalwe tamaam noor hi noor
Nigaah-e shauq se dekhe jidhar jidhar koi
قدم قدم پہ تقاضا کرے جو سجدوں کا
نہ ایسی راہ نہ ایسا سفر سفر کوئی
Qadam qadam pe taqaza kare jo sajdon ka
Na aisi raah na aisa safar safar koi
ہر ایک گوشہ دیارِ نبیؐ کا خلد نظر
نگاہ خیرہ سے دیکھے کدھر کدھر کوئی
Har aik gosha dayar-e Nabi (ﷺ) ka khald nazar
Nigaah kherah se dekhe kidhar kidhar koi
چھلک پڑے جو کبھی گنہگار آنکھوں سے
نہ ایسا اشک نہ ایسا گہر گہر کوئی
Chhalak pade jo kabhi gunahgaar aankhon se
Na aisa ashk na aisa gaher gaher koi
ملے جو اذنِ حضوری کبھی ہمیں اقبؔال
نہ ہوگی ایسی مبارک خبر خبر کوئی
Mile jo izn-e hozoori kabhi hamein Iqbal
Na hogi aisi mubaarak khabar khabar koi
Share This Naat
Share with friends and family
نہ مثلِ نعتِ محمدؐ ہنر ہنر کوئی
پروفیسراقبال عظیم