جُود و عطا میں فرد، وہ شاہِؐ حجاز ہے
سب پر کرم ہے، اور بِلا امتیاز ہے
Jood o ata mein fard, woh Shah-e-Hijaz hai
Sab par karam hai, aur bila imtiyaz hai
قلبِ زمیں میں، شہرِ مدینہ وہ راز ہے
انساں تو کیا، فرشتوں کو بھی جس پہ ناز ہے
Qalb-e-zameen mein, shehr-e-Madina woh raaz hai
Insaan to kya, farishton ko bhi jis pe naaz hai
محمود زندگی ہے اُسی خوش نصیب کی
اُن کے کسی غلام کا جو بھی ایاز ہے
Mehmood zindagi hai usi khush naseeb ki
Un ke kisi ghulam ka jo bhi Ayaaz hai
سُلطانِ انبیاء کے مراتب نہ پوچھئیے
زیبا اُنہی کو ہر شرف و امتیاز ہے
Sultan-e-Anbiya ke martab ne poochiye
Zeba unhi ko har sharaf o imtiyaz hai
کس کو ہو تابِ جلوۂ دیدارِ مصطفٰؐے
جوہر میں آئینے کے خود آئینہ سار ہے
Kis ko ho taab-e-jalwah-e-deedar-e-Mustafa
Johar mein aine ke khud aina saar hai
جو اُن لے التفات و کرم سے ہے سرفراز
دونوں جہاں کے غم سے وہی بے نیاز ہے
Jo un ke iltifat o karam se hai sarfaraz
Dono jahan ke gham se wahi be niyaz hai
اے حاسدِ رسولِؐ خدا! عاقبت سنوار!
احساسِ جُرم کر، کہ درِ توبہ باز ہے
Ae hasid-e-Rasul-e-Khuda! Aaqibat sanwar!
Ehsaas-e-jurm kar, ke dar-e-tauba baz hai
جو ہے نبیؐ کے رُتبۂ عالی سے بے خبر
فتنہ وہی ہے ، دین میں وہ رخنہ ساز ہے
Jo hai Nabi ke rutbah-e-ali se be khabar
Fitna wahi hai, deen mein woh rukhna saaz hai
اُس آستاں پہ ہم ہیں تصّور میں سجدہ ریز
سب سے جدا نصیرؔ ہماری نماز ہے
Us aastan pe hum hain tassawar mein sajda rez
Sab se juda Naseer hamari namaz hai
Share This Naat
Share with friends and family
جُود و عطا میں فرد، وہ شاہِؐ حجاز ہے
سید نصیرالدیں نصیر