کب مدینے میں جانِ جاں ہم سے
پھر سُنیں گے یہ داستاں ہم سے
Kab madine mein jaan-e-jaan hum se
Phir sunainge yeh dastaan hum se
اب خُدارا معاف کر دیجے
ہو گئی ہیں جو غلطیاں ہم سے
Ab khudara maaf kar dije
Ho gayi hain jo ghaltiyan hum se
ایک پل بھی گریز کرتا نہیں
تیری رحمت کا آسماں ہم سے
Ek pal bhi guraiz karta nahi
Teri rehmat ka aasmaan hum se
تیرے رُخ کا یہ سب اُجالا ہے
سامنے ہے یہ کہکشاں ہم سے
Tere rukh ka yeh sab ujala hai
Samne hai yeh kehkashaan hum se
تیرے صدقے میں پا لیا ساحل
گرچہ چُھوٹے تھے بادباں ہم سے
Tere sadqe mein paa liya saahil
Garcha chhute the badbaan hum se
اِک قیامت غریب پر گُزری
تیرا روضہ ہُوا نِہاں ہم سے
Ik qayamat ghareeb par guzri
Tera roza hua nihaan hum se
تیری مدحت میں سارا قُرآں ہے
کیسے ہوگی شہا ! بیاں ہم سے
Teri madhat mein saara quraan hai
Kaise hogi shah! bayaan hum se
یہ ترا ہی تو فیضِ نسبت ہے
بولے جاتے ہیں بے زباں ہم سے
Yeh tera hi to faiz-e-nisbat hai
Bole jaate hain be zabaan hum se
بے عمل ہیں پہ تیرے صدقے میں
لوگ رہتے ہیں خوش گُماں ہم سے
Be amal hain pe tere sadqe mein
Log rehte hain khush gumaan hum se
تُجھ سے دُوری کا یہ نتیجہ ہے
چِھن گیا ہے جو سائباں ہم سے
Tujh se doori ka yeh nateeja hai
Chhin gaya hai jo saaibaan hum se
ہو کرم کی نگاہ ہم پر بھی
چھوٹ جائے نہ کارواں ہم سے
Ho karam ki nigaah hum par bhi
Chhute jaaye na kaarwaan hum se
اُن کے در پر جلیل راحت ہے
کہہ رہے ہیں یہ جسم و جاں ہم سے
Un ke dar par jaleel raahat hai
Keh rahe hain yeh jism-o-jaan hum se
Share This Naat
Share with friends and family
کب مدینے میں جانِ جاں ہم سے
حافظ عبدالجلیل