شہا ! مُجھ سے نکمّے کو شعور و آگہی دے دیں
اندھیروں سے نکلنا ہے،مُجھے کُچھ روشنی دے دیں
Shaha! mujhe se nikamme ko shuoor o aagahi de den
Andheron se nikalna hai, mujhe kuch roshni de den
جبیں واقف نہیں میری رہی سجدوں کی لذّت سے
مرے آقا ! خُدارا اب شعورِ بندگی دے دیں
Jabeen waqif nahi meri rahi sajdon ki lazat se
Mere aaqa! Khudara ab shuoor-e-bandagi de den
کوئی تو خُلقِ عالی کی جھلک ہم میں نظر آئے
سو لہجے کو حلاوت دیں، زباں کو چاشنی دے دیں
Koyi to khulq-e-aali ki jhalak hum mein nazar aaye
So lehje ko halawat den, zubaan ko chaashni de den
درود اپنی زباں پر بس ، رہے ہر دم مرے آقا
ہمارے برگِ ایماں کو، اِسی سے تازگی دے دیں
Darood apni zubaan par bas, rahe har dum mere aaqa
Hamare barg-e-iman ko, isi se tazgi de den
کروں بس خاکرُوبی میں ، آپ کے در پر رہوں ہر دم
کرم کردیں شہا ! مُجھ پر،مُجھے یہ نوکری دے دیں
Karu bas khakarubi mein, aap ke dar par rahun har dum
Karam kardein shaha! mujhe par, mujhe ye naukri de den
بجا لائیں گے ہم خدمت،غُلاموں کی دل و جاں سے
اگر اپنے غُلاموں کی ہمیں وہ چاکری دے دیں
Baja laayenge hum khidmat, ghulamon ki dil o jaan se
Agar apne ghulamon ki humein woh chaakri de den
گُزاروں زندگانی آپ کی طاعت میں اے آقا
رہے قائم جو عُقبٰی سے ،وہ ربطِ زندگی دے دیں
Guzarun zindagani aap ki ta'at mein Ae aaqa
Rahe qayim jo uqba se, woh rabt-e-zindagi de den
جلیل اپنے لئے اِس سے بڑا اعزاز کیا ہوگا
کہ وہ مُجھ سے نکمّے کو بھی اِذنِ حاضری دے دیں
Jaleel apne liye is se bada aizaaz kya hoga
Ke woh mujhe se nikamme ko bhi izin-e-hazri de den
Share This Naat
Share with friends and family
شہا ! مُجھ سے نکمّے کو شعور و آگہی دے دیں
حافظ عبدالجلیل