مِرا جہان بھی تُو، تو ہی عاقبت میری
تِرے بغیر نہیں کچھ بھی حیثیت میری
Mira jahan bhi tu, to hi aaqibat meri
Tire baghair nahi kuch bhi haisiat meri
مِرا جھکا ہوا سر بھی بلند ہے کتنا
تِرا نشان کف پا ہے سلطنت میری
Mira jhuka hua sar bhi buland hai kitna
Tira nishan e kaf pa hai saltanat meri
بس ایک بوند تِری ، میرے علم کا دریا
بس ایک اسمِ گرامی تِرا لغت میری
Bas aik boond tire, mere ilm ka darya
Bas aik ism e grammi tira lughat meri
تِرے خیال میں رہتا ہے گم وجود مِرا
مقام کی نہیں محتاج شہریت میری
Tire khayal mein rehta hai gum wujud mira
Maqam ki nahi mohtaaj shehriat meri
جو وقت صرف ہوا اپنے لیے وہی گھاٹا
جو سانس خرچ ہو تجھ پر وہی بچت میری
Jo waqt sarf hua apne liye wahi ghaata
Jo saans kharch ho tujh par wahi bachat meri
جو تجھ کو دیکھ کر آئے میں وہ نظر دیکھوں
جدھر سے تیری صدا آئے وہ جہت میری
Jo tujh ko dekh kar aaye mein wo nazar dekhoon
Jidhar se tiri sada aaye wo jahat meri
میں کیا کروں تِری نسبت پہ ناز ہے مجھ کو
مِرے نیاز کا حصہ ہے تمکنت میری
Mein kya karoon tirii nisbat pe naaz hai mujh ko
Mire niaz ka hissa hai tamkanat meri
مظفر اُن کے غلاموں کا بھی غلام ہوں میں
جہاں میں کیوں نہ بڑھے قدرو منزلت میری
Muzaffar un ke gulamon ka bhi ghulam hoon mein
Jahan mein kyu na barhe qadar o manzilat meri
Share This Naat
Share with friends and family
مِرا جہان بھی تُو، تو ہی عاقبت میری
مظفر وارثی