سرورِ ہر دوسرا شاہِ اُمم
کیجئے لُطف و عطا شاہِ اُمم
Sarwar-e-har dosra Shah-e-umam
Kijiye lutf o ataa Shah-e-umam
آپ محبوبِ خدا شاہِ اُمم
شافعِ روزِ جزا شاہِ اُمم
Aap mehboob-e-khuda Shah-e-umam
Shaafi'-e-roze-jaza Shah-e-umam
ذاتِ والا مُنتخب ہے آپ کی
نامِ نامی مصطفیٰ شاہِ اُمم
Zaat-e-vala muntakhib hai aap ki
Naam-e-naami Mustafa Shah-e-umam
ہے خدائے پاک کی مرضی وہی
آپ کی ہے جو رضا شاہِ اُمم
Hai khuda-e-paak ki marzi wahi
Aap ki hai jo raza Shah-e-umam
شمس پھیرا چاند دو ٹکڑے کیا
آپ کا ہے معجزہ شاہِ اُمم
Shams phera chaand do tukde kiya
Aap ka hai mojza Shah-e-umam
آپ ہی کے نور کی خیرات ہے
ماہ و خور میں ہے ضیا شاہِ اُمم
Aap hi ke noor ki khairat hai
Mah o khur mein hai diya Shah-e-umam
آخری دم تک وظیفہ ہو مرا
یا نبی خیرالوریٰ شاہِ اُمم
Aakhri dam tak wazeefa ho mera
Ya Nabi Khair-ul-wara Shah-e-umam
سانس میری جب تلک چلتی رہے
وِرد ہو صلّے علیٰ شاہِ اُمم
Saanas meri jab talak chalti rahe
Wird ho Sallay 'alaa Shah-e-umam
مجھ کو طیبہ میں بلایا آپ نے
اِس کرم کا شکریہ شاہِ اُمم
Mujh ko tayba mein bulaya aap ne
Is karam ka shukriya Shah-e-umam
وقتِ سکرات و لحد کا حشر کا
سہل ہو ہر مرحلہ شاہِ اُمم
Waqt-e-sakraat o lahad ka hashr ka
Sahl ho har marhala Shah-e-umam
وصفِ رُوئے والضحیٰ میں کیا لکھوں
مدح گو جب ہے خدا شاہِ اُمم
Wasf-e-rooye wal-duha mein kya likhun
Madh-go jab hai khuda Shah-e-umam
اپنے مرزا کو نگاہوں میں رکھیں
آپ ہی کا ہے گدا شاہِ اُمم
Apne Mirza ko nigahon mein rakhen
Aap hi ka hai gada Shah-e-umam
Share This Naat
Share with friends and family
سرورِ ہر دوسرا شاہِ اُمم
مرزا جاوید بیگ عطاری