اُن کی طرف بڑھیں گے نہ لُطفِ خد اکے ہاتھ
جو پھر گئے رسولِؐ خدا سے چھُڑا کے ہاتھ
Un ki taraf baṛhenge na lutf-e khuda ke haath
Jo phir gaye Rasool-e khuda se chura ke haath
دل چاہتا ہے خاکِ درِ پاک چُوم لُوں
یہ بات لگ نہ جائے کہیں سے، صبا کے ہاتھ
Dil chahta hai khaak-e dar-e paak choom lun
Yeh baat lag na jaye kahin se, saba ke haath
بس اک نگاہِ لُطف کا اُمّیدوار ہُوں
کچھ اور ہو طلب، تو کٹیں التجا کے ہاتھ
Bas ek nigah-e lutf ka umeedwar hun
Kuch aur ho talab, to katein iltija ke haath
ہو گا کرم یہ چاہنے والوں پہ حشر میں
اپنی طرف بُلائیں گے آقاؐ، اُٹھا کے ہاتھ
Hoga karam yeh chahne walon pe hashr mein
Apni taraf bulaenge aaqa, uthha ke haath
جو اُن پہ مَر مٹے اُنہیں یُوں زندگی مِلی
نقدِ حیات، لُوٹ نہ پائے فنا کے ہاتھ
Jo un pe mar mite unhein yun zindagi mili
Naqd-e hayaat, loot na paye fana ke haath
اُس کا نہ مول اور نہ اُس کی مثال ہے
جو بِک چُکا ہو اُن کی ادائے عطا کے ہاتھ
Us ka na mol aur na us ki misaal hai
Jo bik chuka ho un ki adaaye ata ke haath
طاعت ہے فرض ہم پہ خدا و رسولؐ کی
عزت خدا کے ہاتھ ہے یا مصطفیٰؐ کے ہاتھ
Taa'at hai farz hum pe khuda o Rasool ki
Izzat khuda ke haath hai ya Mustafa ke haath
بیٹھے ہیں آج ذوقِ توکُّل سے مطمئن
جو پوچھتے تھے اپنا مقّدر دِکھا کے ہاتھ
Baithe hain aaj zauk-e tawakkul se mutma'in
Jo poochhte the apna muqaddar dikha ke haath
ہر سُو ہیں اُن کے نقشِ کفِ پا حجاز میں
اللہ نے کیا، تو لگا لیں گے جا کے ہاتھ
Har su hain un ke naqsh-e kaf-e pa Hijaz mein
Allah ne kiya, to laga lenge ja ke haath
اُمّید ہے دعائے حُضوری قبول ہو
رُودادِ شوق بھیج تو دی ہے صبا کے ہاتھ
Umeed hai dua-e huzoori qubool ho
Roodad-e shauq bhej to di hai saba ke haath
مجھ کو ہے بس نصیرؔ شفیعُؐ الوریٰ کی دُھن
پھیریں گے میرے سَر پہ وہی، مُسکرا کے ہاتھ
Mujh ko hai bas Naseer shafiul-wara ki dhun
Pheerenge mere sar pe wahi, muskra ke haath
Share This Naat
Share with friends and family
اُن کی طرف بڑھیں گے نہ لُطفِ خد اکے ہاتھ
سید نصیرالدیں نصیر