دی زبان حق نے ثنائے مصطفےٰؐ کے واسطے
دل دیا حُبِّ حبیبِؐ کبریا کے واسطے
di zuban Haq ne sanaye Mustafaؐ ke wastay
dil diya Hub-e-Habib-eؐ Kibriya ke wastay
خلد تو گھر ہے غُلامانِ رسول اللہ ؐ کا
اور جہنّم دشمنانِ مصطفےٰؐ کے واسطے
khuld to ghar hai ghulaman-e-Rasool Allahؐ ka
aur Jahannum dushmanan-e-Mustafaؐ ke wastay
اُن کے در سے کوئی خالی جائے ہو سکتا نہیں
جن کے دروازے کھُلے ہوں ہر گدا کے واسطے
un ke dar se koi khaali jaye ho sakta nahin
jin ke darwaze khule hon har gada ke wastay
دل میں دردِ مصطفےٰؐ سینے پہ داغِ مصطفےٰؐ
کیا عجب ساماں ملا روزِ جزا کے واسطے
dil mein dard-e-Mustafaؐ seene pe dagh-e-Mustafaؐ
kya ajab samaan mila roz-e-jaza ke wastay
میرے آقا کا مدینہ بھی ہے کیا دار الشفاء
جس جگہ عیسیٰؑ بھی آتے ہیں دوا کے واسطے
mere aaqa ka Madina bhi hai kya Dar al-Shifa
jis jagah Isaؑ bhi aate hain dawa ke wastay
کب تلک تڑپے گا فرقت میں تمھاری یا نبیؐ
اب تو اعظمؔ کو بُلا لیجے خداکے واسطے
kab talak tadpe ga firqat mein tumhari ya Nabiؐ
ab to Azamؔ ko bula lijiye Khuda ke wastay
Share This Naat
Share with friends and family
دی زبان حق نے ثنائے مصطفےٰؐ کے واسطے
محمد اعظم چشتی