کرم پر نہ کیوں ہو تلی ان کی چوکھٹ
اسی واسطے تو بنی ان کی چوکھٹ
Karam par na kyun ho tali un ki chaukhat
Isi wastay to bani un ki chaukhat
کُھلی اسمِ ستّار کی مظہریّت
نہیں کرتی پردہ دری ان کی چوکھٹ
Khuli Ism-e-Sattar ki mazharriyat
Nahi karti parda dari un ki chaukhat
تذلل ، فنا و جہالت ہے دنیا
ترفع ، بقا، آگہی ان کی چوکھٹ
Tazallul, fana o jahalat hai duniya
Tarf'fo, baqa, aagahi un ki chaukhat
لقب اس لیے خیرِ امت ہے اپنا
خدا نے ہمیں چُن کے دی ان کی چوکھٹ
Luqab is liye khair-e-ummat hai apna
Khuda ne humein chun ke di un ki chaukhat
نہ دیکھا کبھی عرض منگتوں کی سن کر
اجابت کرے ملتوی ان کی چوکھٹ
Na dekha kabhi arz mangton ki sun kar
Ijabat kare multawi un ki chaukhat
ازل سے خدا کا ہے دربار جب ، تو
یہ کہنا غلط ہے نہ تھی ان کی چوکھٹ
Azal se Khuda ka hai darbar jab, to
Yeh kehna ghalat hai na thi un ki chaukhat
جو حِرماں نصیبوں کی امّید گہ ہے
وہ عالم میں مانی گئی ان کی چوکھٹ
Jo hirmaan naseebon ki umeed gah hai
Woh aalam mein mani gayi un ki chaukhat
معظمؔ ! بَہ شمسِ شفاعت سرِ حشر
سُکھاتی ہے تر دامنی ان کی چوکھٹ
Muazzam! bah Shams-e-Shafa'at sar-e-hashr
Sukhati hai tar damani un ki chaukhat
Share This Naat
Share with friends and family
کرم پر نہ کیوں ہو تلی ان کی چوکھٹ
معظم سدا معظم مدنی