اوہ وقت سوہنے کہ مری سرکار اون گے
درداں دے مارے جد تیرے دربار اون گے
Oh waqt sohnay keh meri Sarkaar oun ge
Dardan de maaray jad tere darbar oun ge
سمجھاں گا اودوں چمکیا تارا نصیب دا
نظر طیبہ دے درودیوار اون گے
Samjah ga odon chamkia tara naseeb da
Nazar tayyaba de dar-o-deewar oun ge
مشکل بنے تے آقا نوں آواز دے لویس
ہر بھیڑ وچہ امداد لئی سرکار اون گے
Mushkil banay te Aaqa nu awaaz de lois
Har bhid vech imdaad layi Sarkaar oun ge
تاہیوں تے غم دیاں دولتاں رکھدا ہاں سانبھ سانبھ
غم ہون گے بے کول سے غمخوار اون گے
Taahiyon te gham diyan doltan rakhda haan sanb sanb
Gham hon ge be kol se ghamkhaar oun ge
سختی بنی ہے قبر وچہ ایمان ہے میرا
طیبہ دے وچوں میرے مددگار اون گے
Sakhti bani ha qaber vech imaan ha mera
Tayyaba de vechon mere madadgaar oun ge
ساقی نے ایسے واسطے میخانہ کھولیا
بخشش را جام بین لئی میخوار اون گے
Saqui ne aise waste maikhaana kholia
Bakhshish ra jaam bain layi maikhaar oun ge
پچھیں توں ہتھ جوڑ کے سوہنے نوں اے صبا
گھر وچہ میرے کدوں مٹھل من ٹھار اون گے
Pacheen toon hath jorr keh sohnay nu ae saba
Ghar vech mere kadon mithal mun thaar oun ge
کونین دے حبیب دی محفل سجا لوؤ
سوہنے دے نال سوہنے دے سب یار اون گے
Konain de Habeeb di mehfil saja lo
Sohnay de nal sohnay de sab yaar oun ge
بڑھ کے نیازی سوئیاں کر نغمے درود دے!
خواہاں چہ تیرے سید ابرار اون گے!
Barh keh Niazi soilan kar naghmay durood de!
Khwahan che tere Syed Abrar oun ge!
Share This Naat
Share with friends and family
اوہ وقت سوہنے کہ مری سرکار اون گے
عبدالستار نیازی