غنی ہے شاعرِ نادار اے شہِؐ ابرار
عجیب شے ہے ترا پیار اے شہِؐ ابرار
Ghanee hai shair-e-nadar ay shah-e-abrarr
Ajeeb shai hai tera pyar ay shah-e-abrarr
اُٹھاکے آنکھ نہ دیکھے زروگہر کی طرف
تری نظر کا طلب گار اے شہِؐ ابرار
Uthakay aankh na dekhe zar o gohar ki taraf
Teri nazar ka talabgarr ay shah-e-abrarr
زمانہ بدلے، بدل جائیں سب کے سب اقدار
رہے گا تُو مرا معیار اے شہِؐ ابرار
Zamana badlay, badal jaayein sab ke sab iqdarr
Rahega tu mera me'yar ay shah-e-abrarr
سرِ نیاز مراخم رہے گا تیرے حضور
تمام دہر کے مختار اے شہِؐ ابرار
Sar-e-niaz mera kham rahega teray huzoor
Tamam dayh ke mukhtarr ay shah-e-abrarr
کرم کرم کہ نہیں ہے ترے کرم کے سوا
جہاں میں کوئی کسی کا غمخواراے شہِؐ ابرار
Karam karam ke nahin hai tere karam ke siwa
Jahan mein koi kisi ka ghamkhwar ay shah-e-abrarr
مدد مدد کہ کمر ٹو ٹنے کوہے میری
غمِ جہاں کا ہے وہ بار اے شہِؐ ابرار
Madad madad ke kamar tootnay ko hai meri
Gham-e-jahan ka hai wo baar ay shah-e-abrarr
ملے اماں کہ شب و روز بڑھتی جاتی ہے
سپاہِ کرب کی یلغار اے شہِؐ ابرار
Milay amaan ke shab o roz barhti jaati hai
Sipah-e-karb ki yalgarr ay shah-e-abrarr
Share This Naat
Share with friends and family
غنی ہے شاعرِ نادار اے شہِؐ ابرار
حفیظ تائب