!خاور کہوں کہ بدرِ منّور کہوں تُجھے
!محشر کہوں کہ داورِ محشر کہوں تجھے
!khawar kahoon ke badr-e-manawwar kahoon tujhe
!mahshar kahoon ke dawar-e-mahshar kahoon tujhe
اے مظہرِ جمالِ خدا سیّد البشرؐ
حُسنِ مثا ل کا میں محور کہوں تجھے
ae mazhir-e-jamal-e-khuda syed al bashar
husn-e-misaal ka mein mahwar kahoon tujhe
سلطانِ انبیاء ہے تِری ذاتِ با صفا
اوّل کہوں یا اوسط و آخر کہوں تجھے
sultan-e-ambiya hai teri zaat-e-basaafaa
awwal kahoon ya ausat o aakhir kahoon tujhe
تجھ پر ہوئی ہے ختم نبّوت کی داستاں
خاتم پیمبروں کا پیمبر کہوں تجھے
tujh par hui hai khatam nabuwat ki daastan
khaatim paimbaron ka paimbar kahoon tujhe
تھا سینئہ صدف میں خدا کنزِ مخفیاً
تخلیقِ کائنات کا گوہر کہوں تجھے
tha seeniya-e-sadaf mein khuda kanz-e-makhfiyan
takhleeq-e-kainaat ka gohar kahoon tujhe
بے مثل و بے مثال ہے تو دِلرُبا ئے حق
رعنائی خیال کا پیکر کہوں تجھے
be misl o be misaal hai tu dilruba-e-haq
ranai-e-khayaal ka paikar kahoon tujhe
آئینہ جمالِ ازل ذاتِ مصطفےٰؐ
تو عین ذاتِ حق ہے یہ کیونکر کہوں تجھے
aaina-e-jamal-e-azal zaat-e-mustafa
tu ain zaat-e-haq hai yeh keonkar kahoon tujhe
موجِ خرام ناز ہے تو ساحِلِ مُراد
دریائے معرفت کا شناور کہُوں تجھے
mauj-e-kharaam naaz hai tu saahil-e-muraad
daryaye maarifat ka shanaawar kahoon tujhe
قندیل بزم ِ عِلم و عمل آپؐ کا وجُود
ہر آگہی کا مرکز و مصدر کہوں تجھے
qandeel bazm-e-ilm o amal aap ka wajood
har aagahi ka markaz o masdarr kahoon tujhe
بندہ نواز تجھ کو کہوں یا کہُوں بشر
تقویمِ حسن و عِشق کا مظہر کہوں تجھے
bandah nawaz tujhe kahoon ya kahoon bashar
taqweem-e-husn o ishq ka mazhirr kahoon tujhe
دُر یتیم و اُمّی لقب صاحب الجمال
میں تاجور کہوں کہ سخنور کہوں تجھے
dur-e-yateem o ummi laqab sahib al-jamal
mein tajawwar kahoon ke sakhanwar kahoon tujhe
ہے ذاتِ کِبریا بھی ثنا خوانِ مصطفےٰؐ
منزل کہوں کہ حق کا مسافر کہوں تجھے
hai zaat-e-kibriya bhi sana khawan-e-mustafa
manzil kahoon ke haq ka musafir kahoon tujhe
ہر ذرّے کی زباں سے آتی ہے یہ صدا
کوئی نہیں کہ جس کا برابر کہوں تجھے
har zarre ki zubaan se aati hai yeh sada
koi nahin keh jis ka barabar kahoon tujhe
واصؔف کی کیا مجال کہے اس زبان سے
!اللہ کی زبان ہو دلبر کہوں تجھے
wasif ki kya majaal kehe is zubaan se
!Allah ki zubaan ho dilbar kahoon tujhe
Share This Naat
Share with friends and family
!خاور کہوں کہ بدرِ منّور کہوں تُجھے
واصف علی واصف