ہے وجہِ وفورِ ولا و محبت
کہیں ان کی صورت کہیں ان کی سیرت
hai wajah-e-wafor-e-wala o mohabbat
kahin un ki soorat kahin un ki seerat
سدا لطف دیتی ہے آقاؐ کی مدحت
سدا ان کی مدحت میں ملتی ہے راحت
sada lutf deti hai aqa ki madhat
sada un ki madhat mein milti hai rahat
ہے شکرِ خدا کہ مرے ہر سخن میں
تصوّر مدینے کا ہے خوب صورت
hai shukr-e-khuda ke mere har sakhan mein
tasawwur madine ka hai khoobsoorat
نہیں ہوتی کم مائیگی اس میں حائل
بڑھے دم بہ دم عشقِ آقاؐ کی دولت
nahi hoti kam maiygi is mein haail
badhay dam ba dam ishq-e-aqa ki dolat
درِ شاہِؐ کون و مکاں کی گدائی
بڑھاتی ہے انسان کی قدر و قیمت
dar-e-shah-e kaun o makan ki gadaai
barahti hai insaan ki kadar o qemat
وہی مصدرِ نورِ عرفان و وجداں
انھی سے بصارت انھی سے بصیرت
wohi masdar-e-noor-e-irfan o wajdan
inhi se basarat inhi se basirat
عطا مصطفیٰؐ کی عطا ہے خدا کی
انھی کی عطا ہے متاع سکینت
ata Mustafa ki ata hai khuda ki
inhi ki ata hai mata-e-sakeenat
گراتے ہیں جب حادثاتِ زمانہ
ہمیں تھام لیتی ہے آقاؐ کی رحمت
garatay hain jab hadsȧat-e-zamana
humein thaam leti hai aqa ki rehmat
ہے قرآن کی نصِّ قطعی سے ثابت
خدا کی اطاعت نبیؐ کی اطاعت
hai quraan ki nas-e-qati se sabit
khuda ki ata'at nabi ki ata'at
کروں شکر طاہرؔ میں جتنا بھی کم ہے
ملی یارِ غارِ نبیؐ کی ہے نسبت
karoon shukr Tahir main jitna bhi kam hai
mili yaar-e-ghaar-e-nabi ki hai nisbat
Share This Naat
Share with friends and family
ہے وجہِ وفورِ ولا و محبت
پروفیسر محمد طاہر صدیقی