یاربِّ محمد مِری تقدیر جگادے
صَحرائے مدینہ مجھے آنکھوں سے دکھادے
Yaarab-e-Muhammad miri taqdeer jaga de
Sahra-e-Madina mujhe aankhon se dikha de
پیچھا مِرا دنیا کی محبت سے چُھڑا دے
یارب مجھے دیوانہ مدینے کا بنادے
Peecha mira duniya ki mohabbat se chhura de
Yaarab mujhe deewana Madine ka bana de
روتا ہوا جس وقت میں دربار میں پہنچوں
اُس وقت مجھے جلوۂ محبوب دکھادے
Rota hua jis waqt main darbaar mein pohnchun
Us waqt mujhe jalwa-e-Mahboob dikha de
دل عشقِ محمد میں تڑپتا رہے ہردم
سینے کو مدینہ مِرے اللہ بنادے
Dil ishq-e-Muhammad mein tarpata rahe har dam
Seene ko Madina mire Allah bana de
بہتی رہے اکثر شہِ ابرار کے غم میں
روتی ہوئی وہ آنکھ مجھے میرے خدا دے
Behti rahe aksar sheh-e-abrar ke gham mein
Roti hui woh aankh mujhe mere Khuda de
ایمان پہ دے موت مدینے کی گلی میں
مدفن مِرا محبوب کے قدموں میں بنادے
Emaan pe de maut Madine ki gali mein
Madfan mira Mahboob ke qadmon mein bana de
اللہ کرم اتنا گنہ گار پہ فرما
جنّت میں پڑوسی مِرے آقا کا بنادے
Allah karam itna gunahgar pe farma
Jannat mein parosi mere aaqa ka bana de
دیتا ہوں تجھے وَاسِطہ میں پیارے نبی کا
اُمَّت کو خدایا رہِ سنّت پہ چلا دے
Deta hoon tujhe waasita main pyare Nabi ka
Ummat ko Khudaya raah-e-Sunnat pe chala de
اللہ ملے حج کی اِسی سال سعادت
بدکار کو پھر روضۂِ محبوب دکھادے
Allah mile Haj ki isi saal sa'adat
Badkaar ko phir roza-e-Mahboob dikha de
عطارؔ سے محبوب کی سُنَّت کی لے خدمت
ڈنکا یہ تِرے دین کا دُنیا میں بجادے
Attar se Mahboob ki Sunnat ki le khidmat
Danka ye tere deen ka duniya mein baja de
Share This Naat
Share with friends and family
یاربِّ محمد مِری تقدیر جگادے
الیاس عطار قادری