جب دیارِ شہِ انام آیا
عالمِ وجد میں غلام آیا
Jab diyar-e-sheh-e-anam aya
Alam-e-wajd mein ghulam aya
جو بھی پہنچا درِ پیمبر پر
واپس آیا تو شاد کام آیا
Jo bhi pohancha dar-e-peyamber par
Wapas aya to shad kam aya
میں نے نوکِ قلم کو چوم لیا
نعت میں جب نبیؐ کا نام آیا
Maine nook-e-qalam ko choom liya
Naat mein jab Nabiؐ ka naam aya
خوش ہوں شیدائیوں میں آقاؐ کے
مجھ سے خوش بخت کا بھی نام آیا
Khush hoon Sheedaiyon mein Aaqaؐ ke
Mujh se khush bakht ka bhi naam aya
حشر میں لاج رکھ لی آقاؐ نے
عشقِ سرکار میرے کام آیا
Hashr mein laaj rakh li Aaqaؐ ne
Ishq-e-Sarkar mere kaam aya
اہلِ مکہ کو آپ نے بخشا
جس گھڑی وقتِ انتقام آیا
Ahl-e-Makkah ko aap ne bakhsha
Jis ghari waqt-e-intqam aya
دیدنی اور ہو گیا منظر
جب مدینے میں وقتِ شام آیا
Deedni aur ho gaya manzar
Jab Madine mein waqt-e-shaam aya
ہو گئی امن کی فضا قائم
لے کے اسلام وہ نظام آیا
Ho gayi aman ki faza qaim
Le ke Islam woh nizam aya
لے کے رحمت کی چاندنی احسؔن
آمنہ کا مہِ تمام آیا
Le ke rehmat ki chaandni Ahsanؔ
Amina ka mah-e-tamam aya
Share This Naat
Share with friends and family
جب دیارِ شہِ انام آیا
احسن اعظمی