ہنجواں دیاں وگدیاں نہراں چوں اکھیاں نے طہارت کرلئی اے
دو گھڑیاں تڑپ کے دل نے وی طیبہ دی زیارت کر لئی اے
HanjawaN diyaN wagdiaN nahraN choN akhiaN ne taharat kar lai ae
Do ghaRiyaN taRap ke dil ne wi Tayyiba di ziarat kar lai ae
جد ناں آقا دا سنیاں سی چم چم اکھیاں تے لایا سی
کر لاں گا ہور عبادت وی پر اصل عبادت کر لئی اے
Jad naaN aaqa da suniyaN si cham cham akhiaN te laya si
Kar laN ga hor ibadat wi par asal ibadat kar lai ae
سب مک گئے جھگڑے جھیڑے نے سب منزلاں آیاں نیڑے نے
چھڈ سنگت جگ دی جس دن توں والیاں دی رفاقت کر لئی اے
Sab muk gae jhagrre jharraye ne sab manzilaN aayiN neRe ne
Chad sangat jag di jis din tuN waliyaN di rafaqat kar lai ae
حق سچ اے شفاعت محشر دی پر میرے مدنی ماہی نے
معراج دی راتیں رو رو کے اُمّت دی شفاعت کر لئی اے
Haq sach ae shafaat mahshar di par mere madni maahi ne
Miraaj di raateN ro ro ke ummat di shafaat kar lai ae
اوہ تاجاں تختاں والے سب دن حشر دے ماراں کھاون گے
چھڈ یار دا دامن جنہاں نے دن چار حکومت کر لئی اے
Oh taajaN takhtaN wale sab din hashr de maaraN khaavan ge
Chhad yaar da daaman jinaaN ne din chaar hukoomat kar lai ae
دُنیا دے ظلم دے گھیرے چوں اک دن اُس نکل باہر آجانا
جس اپنے ولے رو رو کے اللہ دی رحمت کر لئی اے
DuNiya de zulm de ghere choN ik din us nikal bahar aajana
Jis apne walle ro ro ke Allah di rehmat kar lai ae
اُس اُتے حشر دیہاڑے نوں کوئی صائم آنچ ناں اونی ایں
اج نال نبی دی عترت دے جہنے وی مودّت کر لئی اے
Us ute hashr dihaare nuN koi Saem aanch naaN aoni ae
Aj nal Nabi di itrat de jehne wi moddat kar lai ae
Share This Naat
Share with friends and family
ہنجواں دیاں وگدیاں نہراں چوں اکھیاں نے طہارت کرلئی اے
علامہ صائم چشتی