فلک خوبصورت سجایا نہ ہندا
کسے شے دا وی ایتھے سایہ نہ ہُندا
Falak khubsurat sajaya na hunda
Kise shay da vi ethe saya na hunda
نہ ایہہ عرش کرسی تے نہ چن تارے
شب و روز دے نہ ایہہ ہندے نظارے
Na eh arsh kursi te na chan tare
Shab-o-roz de na eh hunday nazare
نہ جن و بشر تے نہ کوئی پرندہ
حیاتی مماتی نہ مویا نہ زندہ
Na jinn o bashar te na koi parinda
Hayati mamati na moya na zinda
نہ حوراں دے قصے نہ آدم نہ حوا
نہ یعقوبؑ یونسؑ نہ یوسفؑ زلیخا
Na huran de qisse na Adam na Hawwa
Na Yaqoob Yunus na Yusuf Zulekha
نہ تختاں تے تاجاں دے سلطان ہندے
نہ محلاں دے والی نہ دربان ہندے
Na takhtan te tajan de sultan hunday
Na mehllan de wali na darban hunday
نہ ملدی کسے نوں کدی زندگانی
ہوا ایہہ نہ ہندی تے نہ ہندا پانی
Na mildi kise nu kadi zindagani
Hawa eh na hundi te na hunda pani
نبی نہ ولی غوث ابدال ہندے
نہ ہندے مہینے نہ ایہہ سال ہندے
Nabi na wali ghous abdaal hunday
Na hunday maheenay na eh saal hunday
ربیع الاول دا نہ ہندا مہینہ
کوئی جاندا نہ اوہ مکہ مدینہ
Rabi ul awwal da na hunda maheena
Koi janda na oh Makkah Madina
نہ میلاد ہندے نہ ایہ نعت خوانی
ثنا خواں نہ ہندے نہ ایہہ خوش بیانی
Na milaad hunday na eh naat khwani
Sana khawan na hunday na eh khush bayani
نہ عرشی نہ فرشی نہ خاکی نہ نوری
زمانے تے کجھ وی نہ ہندا ظہوریؔ
Na arshi na farshi na khaki na noori
Zamane te kujh vi na hunda Zahoori
کسے چیز دا ایتھے سایہ نہ ہندا
جے رب نے محمدؐ بنایا نہ ہندا
Kise cheez da ethe saya na hunda
Je Rabb ne Muhammad banaya na hunda
Share This Naat
Share with friends and family
فلک خوبصورت سجایا نہ ہندا
محمد علی ظہوری