ہم میں تشریف لائے وہ شاہِ اُمم
آگئے آج ہم میں وہ شاہِ اُمم
Hum mein tashreef laaye woh Shah-e-Umm
Aagay aaj hum mein woh Shah-e-Umm
دُور سب کر دیئے جس نے رنج و الم ، وہ رسولِ خدا وہ شفیعِ اُمم
مجھ سے عاصی پہ ہے جس کا اتنا کرم ، وہ رسولِ خدا وہ شفیعِ اُمم
Door sab kar diye jis ne ranj-o-alam, woh Rasool-e-Khuda woh Shafi-e-Umm
Mujh se aasi pe hai jis ka itna karam, woh Rasool-e-Khuda woh Shafi-e-Umm
کس نے خون کے پیاسوں کی جاں بخش دی ، اپنے دشمن کو گھر میں اماں بخش دی
کاٹ دی کس نے زنجیرِ ظلم و ستم ، وہ رسولِ خدا وہ شفیعِ اُمم
Kis ne khoon ke pyason ki jaan bakhsh di, Apne dushman ko ghar mein amaan bakhsh di
Kaat di kis ne zanjeer-e-zulm-o-sitam, woh Rasool-e-Khuda woh Shafi-e-Umm
خلق کس کا پسند آیا اغیار کو ، پھول کس نے بنایا ہر اِک خار کو
بت کدوں سے نکالے ہیں کس نے صنم ، وہ رسولِ خدا وہ شفیعِ اُمم
Khulq kis ka pasand aaya aghyar ko, Phool kis ne banaya har ik khaar ko
But kadon se nikaale hain kis ne sanam, woh Rasool-e-Khuda woh Shafi-e-Umm
کس نے سائل کو دستِ مخیّر کیا ، کس نے ظلمت کدوں کو منوّر کیا
کس کا محشر میں سایہ ہے ابرِ کرم ، وہ رسولِ خدا وہ شفیعِ اُمم
Kis ne sail ko dast-e-mukhyar kiya, Kis ne zulmat kadon ko munawwar kiya
Kis ka mahshar mein saaya hai abr-e-karam, woh Rasool-e-Khuda woh Shafi-e-Umm
کس نے تاریکیوں کو اُجالا دیا ، کس نے گرتے ہوؤں کو سنبھالا دیا
کس کے پہنچے ہیں عرشِ بریں پر قدم ، وہ رسولِ خدا وہ شفیعِ اُمم
Kis ne taaikiyaan ko ujala diya, Kis ne girtay howon ko sambhala diya
Kis ke pohanchay hain arsh-e-bareen par qadam, woh Rasool-e-Khuda woh Shafi-e-Umm
کس کے در پر گدا جا کے سلطاں بنے ، بت بناتے تھے جو ، اہلِ ایماں بنے
کس کے آگے دو عالم کی گردن ہے خم ، وہ رسولِ خدا وہ شفیعِ اُمم
Kis ke dar par gada jaa ke Sultan banay, But banate thay jo, ahl-e-imaan banay
Kis ke agay do aalam ki gardan hai khum, woh Rasool-e-Khuda woh Shafi-e-Umm
اپنی جاں پر مصائب اٹھاتے رہے اُمتی کو غضب سے بچاتے رہے
ایسی لطف و عطا ایسا جود و کرم ، وہ رسولِ خدا وہ شفیعِ اُمم
Apni jaan par masaa'ib uthate rahay, Ummati ko ghazab se bachaate rahay
Aisi lutf-o-ataa aisa jod-o-karam, woh Rasool-e-Khuda woh Shafi-e-Umm
سرنگوں کو کیا اس قدر سر بلند ، ڈالتے ہیں وہ اب آسماں پر کمند
کس کے صدقے میں ہیں اُمتی محترم ، وہ رسولِ خدا وہ شفیعِ اُمم
Sar-Nagoon ko kiya is qadar sar buland, Daaltay hain woh ab aasmaan par kamand
Kis ke sadqay mein hain Ummati mohtaram, woh Rasool-e-Khuda woh Shafi-e-Umm
کس نے تہذیبِ عریاں کو پہنائی ہے عزت و احترامِ جہاں کی قبا
جہل کو عِلم کا کس نے بخشا عَلم ، وہ رسولِ خدا وہ شفیعِ اُمم
Kis ne tahzeeb-e-uryaan ko pehnai hai izzat-o-ahteraam-e-jahaan ki qaba
Jahl ko ilm ka kis ne bakhsha alam, woh Rasool-e-Khuda woh Shafi-e-Umm
خون آشام تلوار کے وہ دھنی ، دولتِ عشق سے ہوگئے سب غنی
قلب کو سوز بخشا تو آنکھوں کو نم ، وہ رسولِ خدا وہ شفیعِ اُمم
Khoon asham talwaar ke woh dhani, Daulat-e-ishq se ho gaye sab ghani
Qalb ko soze bakhsha to aankhon ko nam, woh Rasool-e-Khuda woh Shafi-e-Umm
اُن کی رحمت کی یہ انتہا ہوگئی ، ایک مجرم تھا جو اور گنہ گار بھی
اس ادیبِؔ سخن ور کا رکھا بھرم ، وہ رسولِ خدا وہ شفیعِ اُمم
Un ki rehmat ki yeh inteha ho gayi, Ek mujrim tha jo aur gunah gaar bhi
Is Adeeb-e-Sukhan war ka rakha bharam, woh Rasool-e-Khuda woh Shafi-e-Umm
Share This Naat
Share with friends and family
ہم میں تشریف لائے وہ شاہِ اُمم
حضرت ادیب رائے پوری