مکتبِ عشق میں آئو تو بہت اچھا ہو
لو مدینے سے لگائو تو بہت اچھا ہو
Maktab-e-ishq mein aao to bohot acha ho
Lo Madine se lagaao to bohot acha ho
بندگی کے لئے اک بار مصلیٰ اپنا
اپنے اشکوں سے بناؤ تو بہت اچھا ہو
Bandagi ke liye ik baar musalla apna
Apne ashkon se ban'aao to bohot acha ho
ان کی پیزار جو مِل جائے کبھی قسمت سے
تم اسے سر پہ سجاؤ تو بہت اچھا ہو
Un ki pezaar jo mil jaaye kabhi qismat se
Tum use sar pe sajaao to bohot acha ho
مصطفےٰ کی طرح دشمن کو دعائیں دے کر
خودکو سیرت پہ چلاؤ تو بہت اچھا ہو
Mustafa ki tarah dushman ko duaaien dekar
Khud ko seerat pe chalaao to bohot acha ho
آمدِ سرورِ کونین کی ساعت آئی
دف دُرودوں کے بجاؤ تو بہت اچھا ہو
Aamad-e-Sarwar-e-Konain ki sa'at aayi
Daff duroodon ke bajao to bohot acha ho
میں گنہگار ہوں سرکار ! کہوں کس منہ سے
’’ اپنے قدموں میں سلاؤ تو بہت اچھا ہو ‘‘
Main gunahgaar hoon Sarkar! kahoon kis munh se
“Apne qadmon mein salaao to bohot acha ho”
نارِ دوزخ کو بجھانے کے لئے دل میں شفیقؔ
عشق کی آگ لگاؤ تو بہت اچھا ہو
Naar-e-dozakh ko bujhaane ke liye dil mein Shafiq
Ishq ki aag lagaao to bohot acha ho
Share This Naat
Share with friends and family
مکتبِ عشق میں آئو تو بہت اچھا ہو
شفیق ؔ رائے پوری