اُس نام سے وابستہ ہوں، نسبت پہ نظر ہے
عاصی ہوں مگر اُن کی شفاعت پہ نظر ہے
Us naam se wabasta hoon, nisbat pe nazar hai
Aasi hoon magar un ki shafaat pe nazar hai
طیبہ سے بہت دور ہوں اور ذوق حضوری
اس صاحب معراج کی رحمت پہ نظر ہے
Tayba se bohot durr hoon aur zauq e huzoori
Us sahab e me'raaj ki rehmat pe nazar hai
قرآن کے اوراق میں پڑھتا ہوں انہیں کو
اُس مصحف ناطق کی تلاوت پہ نظر ہے
Quran ke auraaq mein parhta hoon unhi ko
Us mushaf e naatiq ki tilawat pe nazar hai
قاتل کے لئے لب پہ مرے حرفِ دعا ہے
اس صاحب لولاک کی سیرت پہ نظر ہے
Qatil ke liye lab pe mere harf e dua hai
Us sahab e laulaak ki seerat pe nazar hai
اقدار کا احساس اُسی نام کا صدقہ
ہاں احمد مختار کی عظمت پہ نظر ہے
Aqdar ka ehsaas usi naam ka sadqa
Haan Ahmed e Mukhtar ki azmat pe nazar hai
اس ساعت موجود میں پستی کو نہ دیکھو
اُس احمد و محمود کی اُمت پہ نظر ہے
Is sa'at e maujood mein pasti ko na dekho
Us Ahmed o Mahmood ki umat pe nazar hai
بلقیس بھی، کشفی بھی پریشان ہیں دونوں
اب رب محمد کی عنایت پہ نظر ہے
Bilqees bhi, Kashfi bhi pareshaan hain dono
Ab Rab e Muhammad ki inayat pe nazar hai
Share This Naat
Share with friends and family
اُس نام سے وابستہ ہوں، نسبت پہ نظر ہے
ابو الخیر کشفی