ترے نام کے نور سے ہیں منور مکاں بھی مکیں بھی
ترے در سے چمکا رہے ہیں مقدر مکاں بھی مکیں بھی
Tre naam ke noor se hain manawar makaan bhi makeen bhi
Tre dar se chamka rahe hain muqaddar makaan bhi makeen bhi
ہوا نور تخلیق روحِ دو عالم کا ہر شے سے پہلے
رہے قبلِ تخلیقِ سرور مؤخر مکاں بھی مکیں بھی
Hua noor takhleeq rooh-e-do-alam ka har shay se pehle
Rahe qabl-e-takhleeq-e-sarwar mo’akhar makaan bhi makeen bhi
مبارک پسینے کی نایاب خوشبو وہ لائیں کہاں سے
سبھی ڈھونڈتے ہیں وہی مشک و عنبر مکاں بھی مکیں بھی
Mubarak paseene ki naa’yaab khushboo wo laayen kahan se
Sabhi dhoondhte hain wohi mushk o anbar makaan bhi makeen bhi
زمین و زماں پر مکاں لا مکاں میں حکومت ہے تیری
ترے نقشِ پا نے کیے ہیں مسخر مکاں بھی مکیں بھی
Zameen o zamaan par makaan la makaan mein hukoomat hai teri
Tre naqsh-e-pa ne kiye hain muskhir makaan bhi makeen bhi
اگر وجہِ تخلیقِ عالم نہ ہوتے تو کچھ بھی نہ ہوتا
رہینِ رسالت ہیں دونوں سراسر مکاں بھی مکیں بھی
Agar wajah-e-takhleeq-e-alam na hote to kuch bhi na hota
Raheen-e-risalat hain dono sarasar makaan bhi makeen bhi
درودوں سلاموں کے گجرے نچھاور کیے جا رہے ہیں
ترے ذکر سے ہو رہے ہیں معطر مکاں بھی مکیں بھی
Duroodon salamon ke gajray nichhawar kiye ja rahe hain
Tre zikr se ho rahe hain mu’attar makaan bhi makeen bhi
حرم میں تھی رونق نہ انسانیت کا یہ عز و شرف تھا
تری نسبتوں سے ہوئے ہیں موقر مکاں بھی مکیں بھی
Haram mein thi ronoq na insaniyat ka ye iz o sharf tha
Teri nisbaton se hue hain moqarr makaan bhi makeen bhi
اِدھر نعت کہنے کی خدمت پہ مامور اشفاقؔ احمد
اُدھر داد و تحسین پر ہیں مقرر مکاں بھی مکیں بھی
Idhar naat kehne ki khidmat pe mamoor Ashfaq Ahmad
Udhar daad o tahseen par hain muqarrar makaan bhi makeen bhi
Share This Naat
Share with friends and family
ترے نام کے نور سے ہیں منور مکاں بھی مکیں بھی
اشفاق احمد غوری